Qazaqstandyq tájirıbeli maman Vladımır Chebýrın fýtboldan Qazaqstannyń 21 jasqa deıingi (U-21) jastar quramasynyń aǵa bapkeri bolyp taǵaıyndaldy, dep habarlaıdy Egemen.kz.
Vladımır Chebýrın ár jyldary qaraǵandylyq «Shahter» men kókshetaýlyq «Oqjetpes» klýbtaryn jattyqtyrǵan. Sondaı-aq shetelde de jemisti eńbek etip, Lıtva chempıonatynda joǵary nátıjelerge qol jetkizdi.
Maman lıtvalyq «Krýoıa», «Sýdýva» jáne «Jalgırıs» komandalaryn basqardy. Ásirese «Sýdýva» men «Jalgırıs» klýbtarymen birge aıtarlyqtaı tabysqa jetip, alty márte Lıtva chempıony atandy. Budan bólek, komandalary úsh ret Lıtva Kýbogyn jáne eki ret Sýperkýbokty ıelendi.
«Oqjetpes» fýtbol klýby jekemenshik basqarýǵa ótti
Joǵary nátıjeleri úshin Vladımır Chebýrın Lıtvada úsh márte jyldyń úzdik bapkeri ataǵyna laıyq dep tanylǵan.
Aıta keteıik, buǵan deıin Ashat Taǵybergen ulttyq quramaǵa oralýy múmkin ekenin habarlaǵan edik.