Qazaqstannyń birneshe dúrkin chempıony, 22 jastaǵy kásipqoı boksshy, Azııa chempıonatynyń júldegeri Fırýza Sháripova Reseıdiń Jýkovka kentindegi Floıd Meıýezer atyndaǵy boks akademııasynda sheberlik sabaǵyn ótkizedi, dep habarlaıdy QazAqparat.
Qazaqstannyń boksshy qyzy akademııa dırektory Oleg Jadobınmen kezdesken kezde, ol Fırýza Sháripovaǵa osyndaı usynys aıtqan eken. Sheberlik sabaǵy shamamen 23 aqpan kúni ótedi dep josparlanǵan.
«1 saǵat kóleminde ótetin master-klassqa kelem deýshilerge esik ashyq, tegin ótedi. Sheberlik sabaǵyna jasyna, sporttaǵy mártebesine, daıyndyq deńgeıine qaramaı, kez kelgen adam kele berýine bolady», – deıdi Fırýza.
Aıta keteıik, Fırýza Sháripova Taraz qalasynda týǵan. Búginge deıin kásipqoı rıngte úsh kezdesý ótkizgen. Alǵashynda reseılik Sofııa Ochıgavaǵa ese jiberse, qalǵan eki qarsylasynan basym túsken. Al bıyl kóktemde tıtýldy aıqasyn ótkizýdi josparlap otyr.