Qostanaı qalasynda 19 naýryzdan beri izdestirilip jatqan 17 jastaǵy Vladımır Orel óli kúıinde tabyldy. Onyń denesi Tobyl ózeni mańynan anyqtaldy, dep habarlaıdy Egemen.kz.
Bul aqparatty alǵash bolyp eriktiler habarlaǵan, keıin ony polısııa rastady.
Polısııa málimetinshe, jasóspirimniń joǵalýyna baılanysty qylmystyq is qozǵalǵan. Izdeý jumystary barysynda onyń denesi Gagarın bógetine jaqyn qamysty aýmaqtan tabylǵan. Aldyn ala málimet boıynsha, zorlyq-zombylyq belgileri anyqtalmaǵan.
Qazirgi ýaqytta oqıǵanyń barlyq mán-jaıyn anyqtaý úshin tergeý amaldary júrgizilip jatyr.
Quqyq qorǵaý organdary turǵyndardy tek resmı aqparat kózderine senýge jáne tekserilmegen málimetterdi taratpaýǵa shaqyrdy.
Eske salaıyq, Vladımır Orel sońǵy ret jataqhanadan shyqqan kezde kóringen, sodan keıin onymen baılanys úzilgen.
Túrkistanda sýǵa batyp ketken 8 jasar bala 4 kúnnen beri izdestirilip jatyr