Parlament Májilisiniń Ekonomıkalyq reforma jáne óńirlik damý komıteti «Standarttaý týraly» jáne «Qazaqstan Respýblıkasynyń keıbir zańnamalyq aktilerine ólshem birligin qamtamasyz etý jáne standarttaý máseleleri boıynsha ózgerister men tolyqtyrýlar engizý týraly» Qazaqstan Respýblıkasy zańdar jobalarynyń tusaýkeserin ótkizdi.
Otyrysty Ekonomıkalyq reforma jáne óńirlik damý komıtetiniń tóraǵasy N.S. Sabılıanov júrgizdi. Qazaqstan Respýblıkasynyń Investısııalar jáne damý Birinshi vıse-mınıstri A.P. Raý baıandama jasady.
«Standarttaý týraly» Zań jobasy standarttaýdyń maqsattary, qaǵıdattary, standarttaý sýbektileriniń quzyreti men ózara is-qımyl rásimderi naqty anyqtalǵan standarttaý salasynda qyzmetti júzege asyrý barysynda sýbektiler men olardyń qarym-qatynastarynyń jıyntyǵy retinde ulttyq standarttaý júıesin qalyptastyrý maqsatynda ázirlengen.
Qazaqstan Respýblıkasynyń zańnamasyn «Standarttaý týraly» Zań jobasynyń normalaryna sáıkes keltirý maqsatynda 6 kodeks pen 43 zańdarǵa ózgerister eńgizýdi kózdeıtin «Qazaqstan Respýblıkasynyń keıbir zańnamalyq aktilerine ólshem birligin qamtamasyz etý jáne standarttaý máseleleri boıynsha ózgerister men tolyqtyrýlar engizý týraly» ilespe Zań jobasy ázirlengen.
Sondaı-aq ilespe Zań jobasy ulttyq zańnamany Halyqaralyq saýda uıymynyń talaptaryna, Eýrazııalyq ekonomıkalyq odaqtyń ólshem birligin qamtamasyz etý salasyndaǵy quqyǵyna úılestirýge baǵyttalǵan.
Parlament Májilisinde osy zańdar jobalaryn qarastyrý jónindegi jumys tobynyń jetekshisi bolyp, Ekonomıkalyq reforma jáne óńirlik damý komıtetiniń sheshimimen depýtat A.T. Perýashev belgilendi.