Demokratııalyq kúshterdiń «Qazaqstan-2050» jalpyulttyq koalısııasynyń ÚNDEÝI

Qurmetti qazaqstandyqtar! Biz, barlyq áleýmettik toptar men óńir­lerdiń múddelerin bildi­retin Demo­kratııalyq kúshterdiń «Qazaq­stan-2050» jalpyulttyq koalısııa­synyń músheleri, elmizdiń jetekshi saıası partııalarynyń, Qazaqstan hal­qy Assambleıasynyń, iri qoǵamdyq birles­tikterdiń, úkimettik emes uıymdardyń ókilderi: Elimizdiń Tuńǵysh Prezıdentiniń kóshbasshylyǵyn jáne jalpy álemdegi myqty, tabysty jáne qurmetti memleket retinde táýelsiz Qazaqstandy qurýdaǵy prezıdenttik ınstıtýttyń tarıhı mańyzyn moıyndaı otyryp; Elbasymyzdyń memlekettilikti nyǵaıtýǵa, respýblıkamyzdy odan ári saıası, ekonomıkalyq jáne áleýmettik jańǵyrtýǵa arnalǵan memlekettik baǵytyn tolyǵymen qoldaı otyryp; Memleket basshysynyń qazirgi zamannyń jahandyq jáne óńirlik qaýip-qaterlerine áreket etý qajettiligi týraly ustanymyn qoldaı otyryp; Qazaqstan Prezıdenti saıası júıeni odan ári demokratııalandyrý úshin memlekettik bılik taraptary arasynda ókilettikterdi qaıta bólý, sondaı-aq «Bes ınstıtýttyq reformany júzege asyrý boıynsha 100 naqty qadam» Ult josparyn iske asyrý jáne elimizdiń álemdegi 30 jetekshi memlekettiń qataryna kirý boıynsha «Qazaqstan-2050» Strategııasynyń maqsattaryna qol jetkizý jóninde usynyp otyrǵan reformasynyń erekshe mańyzyn eskere otyryp; zamanaýı qoǵamdyq prosesterdiń jyldamdyǵy men kúrdeliligin jáne Qazaqstan azamattary men bolashaq urpaq aldyndaǵy ózimizdiń jaýapkershiligimizdi túsine otyryp; Qazaqstannyń barlyq azamattaryn Elbasymyzdyń memlekettik bılik taraptary arasynda ókilettikterdi qaıta bólý máseleleri boıynsha bastamasyn talqylaýǵa belsendi qatysyp, qoldaýǵa shaqyramyz. Elbasymyzdyń memlekettik basqa­rý­dyń tıimdi jáne úılestirilgen júıesin qam­tamasyz etý boıynsha usynyp otyr­ǵan jańa reformasy Qazaqstandy saıası transformasııalaýdyń evolıýsııalyq kezeńi jáne qazaqstandyq memlekettilik pen demokratııany damytý jolynyń qısyndy jalǵasy bolyp tabylady. Úkimettiń ekonomıka salasyndaǵy atqarýshylyq ókilettikteri men der­bestiligin keńeıtý jáne onyń jaýap­ker­shiligi men Parlament aldyndaǵy esep­tiligin kúsheıtý elimizdiń aldaǵy birneshe jylǵa saıası turaqtylyǵyn qamtamasyz etýge negiz jasaıdy. Parlamenttiń baqylaý fýnksııalaryn kúsheıtý Úkimetten aǵymdaǵy jáne strategııalyq jumysynyń sapaly jańa deńgeıin, aıqyndylyǵy men joǵary zańnamalyq organǵa, ıaǵnı Qazaqstan halqyna eseptiligin arttyrýdy talap etedi. Parlamenttiń rólin kúsheıtý saıa­sı prosestiń belsendi sýbektileri, qoǵamdyq pikirtalas pen debattardyń negizgi ortalyqtary, keń áleýmettik toptardyń múddelerin atqarýshy retinde Qazaqstannyń barlyq saıası partııalarynyń damýyna jańa múmkindik týdyrady. Kútilip otyrǵan reformalar Qazaqstannyń árbir azamatynyń qatysýyn talap etedi. Halqymyzdyń rýhanı baılyǵy, ultymyzdyń sapasy, onyń zaman talaptaryn qabyldaý jáne tek alǵa damý qabiletteri bizdiń memleketimizdiń jetistigin aıqyndaýshy faktory bolǵan jáne bolady da. Demokratııalyq kúshterdiń «Qa­zaqstan-2050» jalpyulttyq koalı­sııasynyń músheleri qa­zaqstandyqtardyń bolashaq ur­paqtary úshin barlyq azamattardy Elba­symyzdyń bastamalaryn qoldaýǵa shaqyrady. «Nur Otan» partııasy, «Aq jol» demokratııalyq partııasy, «Aýyl» halyqtyq-demokratııalyq partııasy, Qazaqstan Kommýnıstik halyqtyq partııasy, «Birlik» saıası partııasy, «Qazaqstan kásipkerleri forýmy» zańdy tulǵalar birlestigi, «Respýblıkalyq áıelder keńesi» qoǵamdyq birlestigi, «Qazaqstan Respýblıkasy Prezıdentiniń halyqaralyq «Bolashaq» stıpendııasy stıpendıattarynyń qaýymdastyǵy» qoǵamdyq birlestigi, «Qazaqstannyń azamattyq alıansy» zańdy tulǵalar birlestigi, «Qazaqstan Respýblıkasy Qarýly Kúshteriniń ardagerleri» qoǵamdyq birlestigi, «Qazaqstan Respýblıkasynyń Ulttyq ınjenerlik akademııasy» respýblıkalyq qoǵamdyq birlestigi, «Qazaqstan Respýblıkasynyń Ulttyq ǵylymdar akademııasy» respýblıkalyq qoǵamdyq birlestigi, «Ardagerler uıymy» respýblıkalyq qoǵamdyq birlestigi, «Qazaqstannyń kásipker áıelderi odaǵy» qoǵamdyq birlestigi, «Qazaqstan Respýblıkasynyń Kásipodaqtar federasııasy» respýblıkalyq kásipodaqtar birlestigi, Qazaqstan kásipkerleriniń «Atameken» ulttyq palatasy, «Ja­syl» ekonomıkany qoldaý jáne G-Global-dy damytý koalısııasy» zańdy tulǵalar birlestigi, «Qazaqstan tutyný­shylarynyń ulttyq lıgasy» qoǵam­dyq birlestigi, Qazaqstannyń isker áıelder qaýymdastyǵy» respýb­lıkalyq qoǵamdyq birlestigi, «Qazaq­stan ardagerleri» Aýǵanstan soǵysy ardagerleriniń qaýymdastyǵy, «Qazaq­stan ýkraındary radasy» qoǵamdyq birlestigi, «Qazaqstannyń daǵdarys ortalyqtary odaǵy» zańdy tulǵalar birlestigi, «Qazaqstan múgedekteriniń konfe­derasııasy» respýb­lıkalyq qoǵamdyq birlestigi, «Jańarý» sybaılas jem­qorlyqqa qarsy jalpyulttyq qozǵa­lysy» respýblıkalyq qoǵam­dyq bir­lestigi, «Juldyz» balalar qoǵam­dyq uıymdarynyń odaǵy» qoǵam­dyq birlestigi. 2017 jylǵy 26 qańtar