Shymkentte óz balalaryn júıeli túrde qorlaǵan áıelge qatysty sot sheshimi shyqty. Tórt balanyń anasy ata-analyq quqyqtarynan shektelip, oǵan qatysty qylmystyq is tergelip jatyr, dep habarlaıdy Egemen.kz.
Is qalalyq bilim basqarmasynyń talap aryzy negizinde qaralyp, ony kámeletke tolmaǵandar isteri jónindegi mamandandyrylǵan aýdanaralyq sot qarady.
Sot málimetinshe, jaýapker tórt kámeletke tolmaǵan balanyń anasy. Balalardyń ákesi shetelde turady jáne otbasyndaǵy jaǵdaıdan habardar bolǵan.
Sot barysynda áıeldiń balalarǵa qatygezdik kórsetkeni dáleldendi. Ol óz áreketin «tárbıelik sharalary» dep túsindirgen.
Sot balalardyń múddesin eskere otyryp, talap aryzdy qanaǵattandyrdy. Nátıjesinde áıel ata-ana quqyǵynan shektelip, alıment tóleýge mindetteldi.
«Sheshim qabyldaý kezinde «Neke (erli-zaıyptylyq) jáne otbasy týraly» QR kodeksiniń normalary jáne balalardyń quqyqtaryn qorǵaý basymdyǵy eskerildi», dep habarlady sot ókilderi.
Qazirgi ýaqytta sot sheshimi zańdy kúshine engen joq.
Sonymen qatar, 29 jastaǵy áıelge qatysty dene jaraqatyn keltirý jáne kámeletke tolmaǵandardy tárbıeleý mindetterin tıisinshe oryndamaý faktileri boıynsha qylmystyq is tergelip jatyr. Tergeý málimetinshe, tórt bala anasynyń tarapynan júıeli túrde zorlyq-zombylyq kórgen.
Psıhıkalyq aýytqý nusqasy rastalmady — saraptama áıeldi esi durys dep tanydy. Aldyn ala aqparat boıynsha, kúıeýi Fransııaǵa jumys isteýge ketken. Uzaqqa sozylǵan janjal saldarynan áıel ashýyn balalardan alǵan.
Jarkenttegi qatygezdik: Balasyn aıaýsyz urǵan áıel 7 jylǵa sottalýy múmkin