Aqmola oblysynyń Zerendi aýdanynda Igilik – Jamantuz tasjolynyń bir bóligi opyrylyp, aýyl turǵyndarynyń qatynasy ýaqytsha shekteldi, dep habarlaıdy Egemen.kz.
Turǵyndardyń aıtýynsha, jol keshe olardyń kóz aldynda opyrylyp túsken. Sol sátte adamdar Kókshetaýdan qaıtyp kele jatqan. Jol jamylǵysy buzyla bastaǵanyn baıqap, kólikter der kezinde toqtap úlgergen. Sonyń arqasynda qaıǵyly jaǵdaıdyń aldyn alý múmkin boldy.
«Ne bolýy múmkin ekenin elestetýdiń ózi qorqynyshty. Bul jol ótken jyldyń qazan aıynda ǵana jóndelgen edi, biraq qazirdiń ózinde opyrylyp tústi. Jumystar sapasyz júrgizilgen dep esepteımiz», deıdi aýyl turǵyndary.
Zerendi aýdandyq ákimdiginiń málimetinshe, qazirgi ýaqytta Qanaı bı aýyly arqyly ótetin balama jol bar.
Elimizde jol qurylysyna bólingen bıýdjet talan-tarajǵa túsken
«Jol shaıylǵan aýmaqta blok-beketter qoıyldy. Sý deńgeıi tómendegennen keıin qalpyna keltirý jumystary júrgiziledi. Eldi mekendi sý basý qaýpi joq. Jaǵdaı jergilikti atqarýshy organdardyń turaqty baqylaýynda», dep habarlady ákimdik.