Búgin Shymkentte el ekonomıkasyn praktıkalyq sıfrlyq jáne AI-transformasııalaýdyń jańa ulttyq platformasyna aınalǵan Digital Qazaqstan 2026 halyqaralyq sıfrlyq forýmy ótip jatyr, dep jazady Egemen.kz.
Digital Qazaqstan – Qazaqstanda resmı túrde jarııalanǵan Jasandy ıntellekt jyly aıasyndaǵy is-sharalardyń aýqymdy serııasyn ashatyn alǵashqy halyqaralyq oqıǵa.
Bıyl Digital Almaty halyqaralyq alańy óńirlerdi damytýǵa jáne jasandy ıntellektini naqty sektorǵa engizýge baǵyttalǵan jańartylǵan formatqa transformasııalandy. Forýmnyń Shymkentte ótkizilýi Qazaqstannyń tehnologııalyq damýdaǵy óńirlerdiń rólin kúsheıtýge jáne turaqty sıfrlyq ekojúıeni qalyptastyrýǵa baǵyttalǵan strategııalyq kýrsyn aıqyndaıdy.
«Industry 5.0: Is-qımyl birlestigi» tujyrymdamasy adam men tehnologııanyń sınergııasyna negizdelgen, munda jasandy ıntellekt, derekter jáne robototehnıka ónimdilikti arttyrý men turaqty damýdyń quraly retinde qyzmet etedi.
Forým eń aldymen, sıfrlandyrý men JI-diń árbir adamnyń múmkindikterin keńeıtýge, talanttardy damytýǵa jáne ınklıýzıvti tehnologııalyq orta qurýǵa arnalǵan qural ekenin kórsetedi.
JI jáne memlekettik qyzmetter: AlemGPT servısiniń múmkindikteri qandaı?
Jasandy ıntellekt jáne sıfrlyq damý mınıstrligi, Shymkent qalasynyń ákimdigi jáne Astana Hub halyqaralyq ınnovasııalyq klasteri uıymdastyrǵan forým memleket qaıratkerlerin, halyqaralyq korporasııalar basshylaryn, ınvestorlar men jetekshi IT-sarapshylardy bir arnaǵa toǵystyrdy. Sıfrlyq transformasııa men JI keleshegin talqylaýǵa Premer-mınıstrdiń orynbasary – Jasandy ıntellekt jáne sıfrlyq damý mınıstri Jaslan Mádıev, Freedom Holding Corp. CEO-sy Tımýr Týrlov, «Qazaqtelekom» AQ Basqarma tóraǵasy Baǵdat Mýsın qatysyp, sıfrlyq ekonomıkanyń damýyna memlekettik jáne korporatıvtik kózqarastaryn usyndy. Sondaı-aq pikirtalasqa venchýrlik naryq pen IT-ındýstrııanyń tanymal kóshbasshylary, sonyń ishinde MA7 Ventures negizin qalaýshy Murat Ábdirahmanov, Yandex Qazaqstan CEO-sy Tımýr Shalekenov, Women in Tech Kazakhstan CEO-sy Ásel Bolatjan jáne Booking.com ázirleýshisi Narıkbı Maqsut syndy halyqaralyq sarapshylar qosyldy.
Oljas Bektenov EAEO aýmaǵynda júk tasymalyn retteıtin JI platformasyn qurýdy usyndy
Baǵdarlama ónerkásip pen memlekettik basqarýǵa AI-sheshimderdi engizýdiń negizgi ssenarıılerin qamtıdy. Digital Qazaqstan 2026 bul Qazaqstan óńirleri jalpyulttyq sıfrlyq qozǵalysqa qosylyp, tájirıbe almasatyn birtutas keńistik. Forým aıasynda ónerkásipte, memlekettik qyzmetterde jáne áleýmettik salada AI-sheshimderdi engizýdiń úzdik tájirıbelerin marapattaıtyn Digital Qazaqstan Awards ulttyq syılyǵy tanystyryldy.
Forýmnyń ınteraktıvti aımaqtarynda robototehnıka men avtonomdy júıeler salasyndaǵy tehnologııalyq jetistikter, sondaı-aq otandyq ázirleýshilerdiń perspektıvaly sheshimderi kórsetilip jatyr.
Aıta keteıik, 2026 jylǵy forýmdy uıymdastyrý memlekettik bıýdjetten tys, tolyǵymen seriktesterdiń qoldaýy men demeýshilik qarajat esebinen iske asyryldy.