Qazaqstanda 72 myń bala túrli sebepter boıynsha dene shynyqtyrý sabaǵynan bosatylǵan. Bul málimetti Ulttyq qoǵamdyq densaýlyq saqtaý ortalyǵynyń basqarma tóraǵasy Erık Baıjúnisov brıfıngte aıtty, dep habarlaıdy Egemen.kz.
Onyń aıtýynsha, elde 70% jastar men eresekter sportpen aınalyspaıdy.
«Biz qantty sýsyndar men fastfýd sııaqty aýrýlardyń sebebine áser ete alamyz. Dıabetke qarsy dári-dármekke sheksiz qarjy bólýge bolady, biraq bastysy – aýrýdyń týyndaý sebepterin joıý. Jasóspirimderdiń belsendiligin arttyrý jáne salaýatty ómir saltyn damytý qajet. 72 myń bala dene shynyqtyrý sabaqtarynan bosatylǵan. Qoǵamnyń óz minez-qulqyn ózgertý kerek, sol kezde osy aýrýlar azaıady», dedi Baıjýsýnov.
Sonymen qatar, Qazaqstanda jyl saıyn ár 100 adamnyń birinde qant dıabeti anyqtalady. Sońǵy 20 jylda naýqastar sany tórt ese kóbeıip, 126 myńnan 500 myńǵa jetken.
Dıabetpen aýyratyn adamdardyń dári-dármekpen qamtamasyz etilýine 50,4 mlrd teńge, stasıonarlyq emge taǵy 5 mlrd teńge bólingen.
Senatta dene shynyqtyrý jáne sportty damytý týraly zań maquldandy
Sarapshylar boljamynsha, 2030 jylǵa qaraı naýqastar sany 930 myńǵa jetýi múmkin.