Memleket basshysy qazaqstandyqtarǵa arnaǵan konstıtýsııalyq reformalar jónindegi Úndeýinde erekshe mańyzdy máselelerge basymdyq berip otyr. Elbasymyzdyń bul málimdemesi óziniń mazmundylyǵymen jáne stılıstıkalyq qurylymymen darala- nyp tur. Sarapshylar Úndeýdiń mátinine taldaý jasaý arqyly alda turǵan reformalardyń negizgi basymdyqtaryn kórsetip beredi degen oıdamyn.
Prezıdent sózindegi jańalyq, ol – baıypty ári salmaqty ózgerister. Mańyzdylyǵy men aýqymdylyǵy boıynsha, ony 90-jyldarda qabyldaýǵa nıettengen zańnamalarmen salystyrýǵa bolady. Sebebi, endi jańa tártipke sáıkes, Úkimettiń ókilettiligin burynǵydaı Prezıdenttiń emes, jańadan saılanǵan Májilistiń aldyn- da toqtatý kózdelip otyr. Sondaı-aq, Úkimet múshelerine Parlament pala- talary tarapynan senimsizdik bildirý tártibi ońaılatylady.
Taǵy bir nazar aýdaratyn másele, Prezıdent ókilettiginiń belgili bir bóligin Úkimetke berý. Mysaly, Prezıdenttiń qoldanystaǵy aktilerdi aýystyrý nemese toqtatý quqyǵyn Premer-Mınıstrge, Úkimetke berý. Buryndary naryqtyq ekonomıka- ny tezdetip júzege asyrý úshin osy sııaqty ókilettikter kúshti saıası ortalyqtardyń quzyretinde bolǵan. Usynylyp otyrǵan konstıtýsııalyq re- forma memleket óziniń qalyptasýynyń bir kezeńin aıaqtap, endi qyzmetiniń jańa mehanızmderin iske qosqanyn bildiredi. Osy ózgeristerdiń aıasynda Parlamenttiń róli men mártebesi ar- tady, sondaı-aq, Úkimettiń derbestigi kúsheıedi. Degenmen, Qazaqstan prezıdenttik respýblıka jáne ýnıtarlyq memleket bolyp qala beredi.
Bul ózgerister qandaı da bir ishki nemese syrtqy faktorlardyń yqpal etýimen jáne qysymymen jáne basqa jaǵdaılarǵa baılanysty qolǵa alynyp jatqan joq. Biz eshkimniń tájirıbesin kóshirip alǵamyz joq. Konstıtýsııalyq reformalar elimizdiń bolashaqta damýy úshin jasalyp otyr. Elbasymyz saıası re- formalardy keshendi jáne júıeli túrde júrgizý qajettigin árqashan aıtyp keledi.
Memleket basshysy osydan eki jyl buryn jarııa etken «100 naqty qadam» – Ult jospary aıasynda júzege asyryla- tyn reformalardyń qataryn osyndaı saıası damý bastamalary da tolyqtyryp otyr. Osylaısha, Elbasymyz memleket aldyna jańa saıası kún tártibin usyndy.
Erlan QARIN, Prezıdent janyndaǵy Qazaqstan strategııalyq zertteýler ınstıtýtynyń dırektory