Búgin Mılan-Kortına Olımpıadasynda frıstaıl-akrobatıkadan erler arasyndaǵy irikteý kezeńi máresine jetti, dep jazady Egemen.kz.
Jarys jolyna Qazaqstan komandasy sapynan Dinmuhammed Raıymqul, Roman Ivanov, Sherzod Hashırbaev jáne Asan Asylhan shyqty. Otandastarymyzdyń irikteýdegi upaıy men nátıjesi kelesideı:
Roman Ivanov 105.75 ball (13-oryn); Sherzod Hashırbaev 98.67 ball (16-oryn); Asylhan Asan 93.21. ball (18-oryn); Dinmuhammed Raıymqul 90.50 ball (19-oryn).Qysqy Olımpıada: Búgin jarys jolyna kimder shyǵady?
Jalpy irikteý synyna 25 sportshy qatysty.
Aıta keteıik, fınalǵa alǵashqy irikteýde úzdik shyqqan 6 sportshy men ekinshi kezeńde kóp upaı jınaǵan taǵy 6 frıstaıl sheberi joldama aldy. Alǵashqy fınal búgin Astana ýaqytymen saǵat 17:30-da bastalady.
Endi erteń aralas komandalyq saıysta (mıkst) el komandasy synǵa túsedi. Ár qurama sapynda 2 er, 1 áıel frıstaıl sheberi bolady.
Olımpıada-2026: Sofıa Samodelkına mánerlep syrǵanaýdan úzdik ondyqqa kirdi
Qysqy Olımpıadada Qazaqstan qorjynynda 1 altyn medal bar. Tarıhı jeńisti mánerlep syrǵanaýshy Mıhaıl Shaıdorov syılady.