Astana qalalyq Bilim basqarmasynyń habarlaýynsha, jalpy bilim beretin 53 mektepte qant dıabeti, epılepsııa, týa bitken damý aqaýlary, bronhıaldy astma, leıkoz jáne t.b. indetterge shaldyqqan 300 bala ınklıýzıvti bilim alýda, dep habarldy elorda ákimdiginiń baspasóz qyzmeti.
Sonymen birge, tirek-qımyl apparaty buzylǵan balalar № 28, 63, 65, 83, 45 mektep-gımnazııada oqıdy.
Aýtızmge shaldyqqan balalar úshin psıhologtyń arnaıy logopedııalyq jáne korreksııalyq-pedagogıkalyq qoldaýy qarastyrylǵan, sondaı-aq, olarmen arnaıy pedagogtar (tıflopedagog, sýrdopedagog, logoped, olıgofrenopedagog), emdik dene shynyqtyrý jáne arnaıy mamandar jumys isteıdi.
Budan basqa, jalpy bilim beretin 21 mektepte 131 arnaıy (korreksııalyq) synyp uıymdastyrylǵan, onda 1 102 bala bilim nárimen sýsyndaýda.