Taraz qalasynda 36 jastaǵy áıel eki birdeı balasyn 5 qabatty turǵyn úıdiń terezesinen laqtyryp jibergen. Oqıǵaǵa qatysty Bala quqyqtary jónindegi ýákil Dınara Zákıeva pikir bildirip, balalardyń qazirgi jaǵdaıy týraly málimet jarııalady, dep jazady Egemen.kz.
Dınara Zákıevanyń aıýynsha, balalar Jambyl oblystyq kópbeıindi balalar aýrýhanasyna jatqyzylǵan.
2023 jyly týǵan uldyń densaýlyǵy qanaǵattanarlyq deńgeıde bolsa, 2021 jyly týǵan qyzdyń jaǵdaıy aýyr ári birneshe jeri synǵany anyqtalyp otyr.
Buǵan deıin olardyń anasynyń tereń kúızeliste ekendigi belgili bolǵanmen, ol em-sharany tolyq qabyldamaǵan.
Dınara Zákıeva balalardyń quqyǵyn qorǵaý men olarǵa qatysty qaıǵyly jaǵdaılardyń aldyn alý isinde medısınalyq derekterdi qupııa saqtaý máselesi kedergi bolyp otyrǵanyn atap ótti.
Balalaryn terezeden laqtyryp jibergen áıel qylmystyq jaýapkershilikten qutyldy
«Medısınalyq mekemeler kúızelistegi nemese psıhologııalyq aýytqýy anyqtalǵan ata-analar týraly málimetti bala quqyqtary jónindegi ýákildikpen bólispeıdi. Ata-analar tarapynan balalarǵa aıaýsyzdyq tanytý men osyndaı ondaǵan qaıǵyly oqıǵalardyń sebebi osy máselemen baılanysyp jatyr. Bala quqyqtaryn qorǵaıtyn mekemeler mundaı aqparattan beıhabar qalmaýy tıis. Atalǵan jaǵdaıdy zań júzinde retteý kerek», dedi Bala quqyqtary jónindegi ýákil Dınara Zákıeva.
Dınara Zákıeva keltirgen derekke súıensek, elimizde balalarǵa zorlyq-zombylyq kórsetý boıynsha kúnine 5 qylmys tirkeletin kórinedi. Olardyń ishinde 50-60% jaǵdaıda balalar jamanshylyqty ata-anasynan, jaqyn týysynan kóredi eken. Mundaı zańbuzýshylyqtar jeke úılerde bolatyndyqtan, olardy anyqtaý men aldyn alý ońaı sharýa emes.
Pavlodar turǵyny balalaryn besinshi qabattan laqtyryp, artynan ózi sekirgen