Aqtóbe qalasyndaǵy jeke turǵyn úılerdiń birinen áıel adam men úsh balanyń máıiti tabyldy. Bul týraly oblystyq ákimdik habarlady, dep jazady Egemen.kz.
Qaıǵyly oqıǵa 9 aqpanda Almaty aýdanynda bolǵan. Aldyn ala málimetterge sáıkes, marqumdar gaz jabdyqtaryn durys paıdalanbaý saldarynan tabıǵı gazdan ýlanyp qaza tapqan. Alaıda oqıǵanyń naqty sebepteri anyqtalyp jatyr.
Oblys ákiminiń tapsyrmasyna sáıkes, jaǵdaıdy jan-jaqty zerdeleý úshin arnaıy komıssııa quryldy. Komıssııany Aqtóbe qalasynyń ákimi Azamat Beket basqarady. Ýákiletti organdarmen birlesip, tekserý júrgizilip, onyń qorytyndysy boıynsha tıisti sharalar qabyldanady.
Tarazda anasy eki balasyn terezeden laqtyryp jiberdi
Quqyq qorǵaý organdary da tergeý amaldaryn bastady.
Oblys ákimdigi qaza tapqandardyń týǵan-týystary men jaqyndaryna kóńil aıtty. Sondaı-aq marqumdardy jerleýdi uıymdastyrýǵa kómek kórsetilip, materıaldyq jáne áleýmettik qoldaý usynylatyny habarlandy.
Semeıde qoqystan jańa týǵan sábıdiń máıiti tabyldy