3 sáýirde Ankara, Ystambul jáne Antalııa qalalarynda Qazaqstan Respýblıkasynyń kezekten tys prezıdenttik saılaýy boıynsha daýys berý ótti. Daýys bergenderdiń sany 800-den astam adamdy qurady.
Saılaý pýnktteri zańnama talaptaryna saı jabdyqtaldy jáne jergilikti ýaqyt boıynsha tańǵy saǵat 8.00-den jumystaryn bastady, daýys berýge qatysýshylarǵa prezıdenttikke tórt úmitker týraly tolyq aqparat berildi.
Kóptegen qazaqstandyq azamattar daýys berýge Túrkııanyń Izmır, Býrsa, Eskıshehır, Konııa, Kaıserı jáne taǵy basqa qalalarynan keldi. Saılaýshylardyń basym kópshiligi saılaýǵa kúnniń birinshi jartysynda qatysty. Túrkııa joǵary oqý oryndarynda oqıtyn qazaqstandyq stýdentter belsendilik tanytty. Atalǵan fakt el aldyndaǵy azamattyq boryshtyń kórinisi bolyp tabylady jáne stýdenttik jastardyń saıası jetilýiniń ósip kele jatqanyn kórsetedi, dep habarlady Qazaqstan Respýblıkasynyń Túrik Respýblıkasyndaǵy elshiligi.