Halqynyń qadirlisi

Táýelsiz elimiz taǵy bir aıshyqty tarıhı belesten ádemi ótti. Bul 3 sáýir kúni bolǵan Qazaqstan Respýblıkasy Prezıdentiniń kezekten tys saılaýy. Halyq el prezıdenttiginen úmitkerlerdiń arasynan Nursultan Nazarbaevty tańdap, bul joly da Kóshbasshymen birge kóshimizdiń kólikti de kórik­ti bolatynyn aıqyn ańǵartty. Buǵan eshkimniń de kú­máni joq. Qazaqstan táýelsizdik alǵan jıyrma jylǵa jýyq ýaqyttyń ishinde ózin álemge tanytty. Ekonomıkalyq ilgerileý men saıası turaqtylyqtyń, demokratııalyq damý­dyń úl­gi­­sin kórsetken Qazaqstan halyqaralyq ıgi isterdiń bas­tamashysy bolyp kele jatqany da belgili. Munyń ózi elimizdegi birlik pen yntymaqtyń, dostyq pen tatýlyqtyń arqasy. Bizdiń osyndaı biregeı birligimizdiń negizgi dem berýshisi Nursultan Ábishuly ekenin qazaqstandyqtar jaqsy biledi. Sonyń aıqyn aıǵaǵy, kúni keshe ǵana ótken prezıdenttik saılaýda Elbasynyń ózgelerden qara úzip kelýi der edim. Halqynyń qamyn jegen azamatqa halqy da zor senim artty. Oblystyq máslıhattyń depýtaty retinde saıası naýqan­nyń basy-qasynda júrgendikten, oblysta bul saılaýdyń qalaı ótkeninen tolyq habardarmyn desem, artyq aıtqandyq bolmas. Azamattardyń ult Kóshbasshysyna degen yqylasy erekshe ekenin óz kózimizben kórip, kókiregimizdi maqtanysh sezimi bılegeni shyndyq. Saılaý ýchaskelerine asyqqan jurttyń kóterińki kóńiliniń ózi nege turady. Bolashaqtyń irgesin birge qalaýǵa umtylǵan elimizdiń búgingi shyqqan bıigi tek qana Nursultan Nazarbaevtyń sarabdal saıasaty, saıası kóregendigi, ekonomıkalyq damýdyń qazaqstandyq úlgisin tańdaı bilýiniń nátıjesi ekeni sózsiz. Táýelsiz 20 jyl ishinde Qazaqstandy mekendegen ult pen ulystar birliktiń máni men mańyzyn bekem túsindi. Qıyn­dyq­tardy birlesip jeńip, birigip eńserdik. Tarıh úshin az ǵana ýaqyt ishinde táýelsiz memleketimiz álemge tanyldy. Biz osy jyldarda demokratııanyń, ıgiliktiń ne ekenin túsine bas­tadyq. Osynyń bárine Nursultan Ábishulynyń ilgerileýge bastaǵan izgilikti isteri men baıandy bastamashyldyǵy berik negiz qalaǵany qalyń jurttyń qaperine áldeqashan uıalap úlgergenine bul joly da kýá bolyp otyrmyz. Kezinde El­basynyń ózi «Elimizdiń ekonomıkalyq damýynyń lokomotıvi» dep atap ótken Aqtóbe oblysynyń jurtshylyǵy osy saılaýda aıryqsha azamattyq belsendiliktiń úlgisin kórsetti. Oblys aýmaǵynda saılaý demokratııalyq qaǵıdattarǵa sáı­kes, Kons­tıtýsııalyq talaptar saqtala otyryp, asqan uıym­shyldyqpen ótti. Halyq biraýyzdan Nursultan Nazar­baev­tyń el tizginin ustaýǵa laıyq tulǵa ekenin qaltqysyz tany­dy. EQYU men TMD elderi baıqaýshylary halyqtyń aza­mat­tyq belsendiligin óz kózderimen kórip, tań qaldy. Bul El­basynyń qara­paıym halyq arasyndaǵy bedeli men qur­mettiliginiń kórinisi ekeni sózsiz. Oblysta saılaýdyń ótý ba­rysynda baıqaýshylar tarapynan birde-bir eskertý bolǵan joq. Halyq el prezıdentin saılaýǵa merekedegideı kóńil kúıde qatysty. Sondyqtan da saılaýshylar óz tańdaýlaryn erte bildirýge asyqty. Ásirese, el erteńi jastardyń saıası belsendiligi sheteldik baıqaýshylardyń ózin tánti etti. Muny halyqtyń Elbasyna degen ystyq yqylasy men sheksiz súıispenshiligi deý oryndy. Aldyn ala málimetterge súıensek, oblys saılaý­shy­larynyń 95,1 prosenti ózderiniń azamattyq paryzyn ótese, sonyń 98, 0 prosenti Nursultan Nazarbaevty qoldap, daýys berdi. Halqynyń qaltqysyz senimine ıe bolǵan Elbasynyń jeńisi birligimiz ben ózara túsinistigimizdiń, adamı qasıet­terimiz arqaý bolǵan tutastyǵymyz ben turaqtylyǵy­myz­dyń j­emisi. Qazaqstandyqtar elin súıer er bolsa, erin qadir­leı­tin eli bar ekenin aıdaı álemge pash etti. Osyndaı órke­nıet­tilik óristeri arqyly elimizdiń álemdik deńgeıdegi bedel-bıigi taǵy bir satyǵa kóterilip qalǵany da shyndyq. Munyń ózi qazaqstandyqtardyń ulttyq uıysý men izgilikke umtylý­shy­lyǵynyń aıshyqty kórinisi retinde de tarıhqa altyn árippen jazylatyny haq. Táýelsiz elimizdiń erteńi úshin durys tańdaý jasaǵan halqymyzdyń bolashaǵy jar­qyn, alar asýy bıik bolaryna senim mol. Sebebi, tarıh sah­nasyna táýelsiz Qazaq memleketin alyp shyqqan asyl azamatymyz, ultymyzdyń Kóshbasshysy ózi bastaǵan irgeli isterdi budan bylaı da júzege asyrýǵa, Qazaqstannyń álem elderi arasyndaǵy bedelin bıiktete berýge múmkindik aldy. Al biz biletin Nursultan Ábishulynyń sózi men isinde eshqashan alshaqtyq bolǵan emes. Sondyqtan da eli Elbasyna sendi, onymen birge erteńimizdiń irgesin birge qalaýǵa jumylady. Elimizdegi oń ózgerister men serpindi damýdyń búgingi qarqyny ár qazaqstandyqtyń ıgiligine qyzmet etip jatqanyn kóz kórip, qulaq estip otyr. Saılaý dodasynda jeńiske jetken Nursultan Nazarbaevtyń osy tarıhı tabysty joldy tabandylyqpen jalǵastyratynyna senim mol. Búgingi jeńis sonyń aıqyn dáleli bolmaq. Jumabek KÝKANOV, «Álııa joldary» JShS dırektory, Aqtóbe oblystyq máslıhatynyń depýtaty.