Aǵa alaqanynyń jylýy (Elbasy týraly bir úzik syr)

Osydan qyryq bes jyl buryn Te­mirtaýǵa ápkemniń turmysqa shyq­qan toıynda bolǵanym búgingideı kóz al­dymda. Ol kezde ákeı qaıtys bolǵan, sheshem Qazıra bastaǵan biraz kisi bar­dyq. Jasym – on ekide. Toıǵa jı­nal­ǵandardyń kóbi – jezdemniń dos­tary. Shetinen ádemi kıingen, kelbetti aǵalarǵa qyzyǵa qaraımyn. Men de solardaı metallýrg bolsam-aý dep armandaımyn. Sebebi, ol jyldarda Temirtaýdyń aty búkil respýblıkaǵa dúrildep shyǵyp turǵan kezi bolatyn. Bizder – mektep oqýshylary: ...Jas ulandaı jaınap ósken, Temirtaýdyń qalasy! – dep kún saıyn ándetetinbiz. Mine, sol Temir­taý­da toıda otyrmyn. Keýdemdi qýa­nysh sezimi kerneıdi. Aı­nal­soqtap ápkem men jezdemniń qasynan shyqpaımyn. Toıda otyrǵan jezdeıdiń dostary­nyń ishinde keń mańdaıly, janary jalt-jult etken, keýdesi qyran búrkitteı shalqaq kelgen, suńǵaq boıly aǵa maǵan erekshe kórindi. Sózdi jastarǵa kóbinese sol kisi berip otyrdy. Dombyra tartyp, án salǵanda tipti qanattanyp ketedi eken. Dombyraǵa meniń de áýestigim bar edi. Jaqyndap qasyna bardym. Aý­zym­dy ashyp, ańyryp qarap qalǵan bolýym kerek. «Eı, sary bala, qaıdan keldiń?» dep mańdaıymnan sıpady. «Aıagózden keldim!» dedim. «Asyqpa, sen de, ós­ken­de dombyra tartyp, án salasyń!» dedi qaıtalap. Men marqaıyp qaldym. Beı­ta­nys aǵanyń jyly sózi atanyń aq ba­ta­syndaı áser etti. Kópke deıin umyt­paı júrdim. Almatyda oqý bitirip, at jalyn tartyp minip, qyzmetke aralasa bastaǵan shaǵymda bir kezde Temirtaýda toıda kórgen aǵanyń Nursultan Ábish­uly Nazarbaev ekenin bilgenimde qatty qýandym. Ol kezde Nuraǵań Qaraǵan­dydan Almatyǵa Ortalyq komıtetke hatshy bolyp keldi umytpasam. Sodan beri ómirde jolym bolǵan, tabysqa jetken sátterimde sol bir mańdaıymnan sıpaǵan aǵa alaqanyn jıi eske alyp, ishteı yrym etip, óz taǵdyryma razy bolyp júremin. Keıinirek Nursultan Ábishuly Mınıstrler Sovetiniń Tór­aǵasy bolyp turǵanda «Basshyny ár ujym ózi saılasyn» degen sheshim shy­ǵardy. Sol sheshimniń arqasynda Al­ma­ty­da avtobazanyń dırektory bolyp saılandym. Sonda da aǵanyń asyl ala­qanyn eske aldym. Múmkin meniń osy jetistikke jetkenim sol bir alaqannyń sharapaty shyǵar dep oıladym. Táýelsizdik alǵannan bergi jıyrma jyl ishinde elimiz Elbasynyń arqa­synda asqaraly bıikterge shyqty. Astana sa­lyn­dy. Álem aýzymyzǵa qara­dy. Qa­zaq qa­shan mundaı baqytqa jetip edik!? Men aǵa tilegendeı ánshi bola al­ma­dym. Ká­sip­ker boldym. Asta­na­ǵa kelgenime on jyl­dan asty. О́zim­niń alǵa qoı­ǵan maq­satyma jetkendeımin. Taıaýda Elbasy­nyń Jarlyǵymen «Qurmet» ordenin al­dym. Shirkin, osy ordendi bala kezimde mańdaıymnan sıpaǵan aǵa alaqanynyń ózinen alsam: «Sol sary ba­la men edim!» dep aıtar edim degen arman júrdi kó­keıim­de. Biraq onyń sáti túspedi. Medet QULJANOV, «Qýatammlon munaı» birikken kásipornynyń dırektory. Astana.