Tamasha tabysymen quttyqtady

Qazaqstan Respýblıkasynyń Prezıdenti Joǵary mártebeli N.Á.Nazarbaevqa

Sizdiń Qazaqstan Res­pýblıkasy­nyń Prezıdenti qyzme­ti­ne qaı­ta saı­la­nýy­ńyzǵa oraı shyn jú­rek­ten shyq­qan qut­tyq­taýym­dy qabyl alyńyz. Saılaýdaǵy   bul­tart­­paıtyn jeńi­sińiz Siz­diń óz halqy­ńyz­dyń shy­naıy kósh­bas­shysy retindegi laı­yq­ty aby­roıy­ńyzdy tııa­naq­taı tú­sedi. Dostas Qa­zaq­stan­­nyń keıingi jyldarda áleý­met­tik-ekonomıkalyq salada, memlekettik qurylysta, halyq­ara­lyq arenada  qol jetkizgen eleýli ta­bys­­tary Sizge jal­py­ulttyq qol­daý men senimdi qamtamasyz etti. Sizdiń Reseı-Qazaqstan ara­syn­­daǵy tatý kórshilik pen ózara qurmet­tiń berik dástúrlerine arqa súıeıtin strategııalyq árip­testigin odan ári tereńdetý máse­lelerine udaıy nazar aýdaraty­nyńyzdy joǵary baǵalaı­myn. Eki jaqtyń erik-jigeriniń arqa­synda kóp qyrly ózara yqpal­das­tyq aldaǵy kezde de serpindi damı beretinine, jańa aýqymdy jobalarmen baıı túse­ti­nine kúmándan­baı­myn. Qazaqstannyń óńirlik yq­pal­das­tyq yntymaq­tas­tyqty damytýǵa ta­ban­dy baǵyt ustaýyn barsha moıyn­daıdy. Bizdiń el­derimizdiń Keden Oda­ǵynyń ju­mysyn qam­ta­masyz etý jáne EýrAzEQ aıasynda Bir­tu­tas eko­­nomıkalyq ke­ńis­­tik qalyptastyrý, TMD, UQShU jáne ShYU boıynsha baı­la­nys­tar­dy nyǵaıtý máse­le­le­rindegi jumysyn tyǵyz úıles­tire júrgizýi óziniń tıimdiligin talaı ret dáleldegen. Bizdiń birlesken jumy­symyzdy yqpal­das­­tyq­tyń jańa keze­ńine – Eýr­azııalyq ekonomıkalyq odaqqa aýy­sý boı­ynsha jalǵastyrý ma­ńyzdy. Reseı-Qazaqstan odaqtastyq qa­ty­­nas­tarynyń qýatty áleýeti aldaǵy kezde de bizdiń elder ha­lyqtarynyń, turaqty damý men eýrazııalyq keńis­tikte qaýipsiz­dikti qamtamasyz etý   múddeleri turǵysynan tabysty júzege asa beretinine senemin.

Myqty densaýlyq jáne tyń tabystar tilep,

D.Medvedev.

Máskeý qalasy,  Kreml

2011 jylǵy 4 sáýir.

 

Qazaqstan Respýblıkasynyń Prezıdenti Joǵary mártebeli N.Á.Nazarbaevqa

Sizdiń Qazaqstan Res­pýblı­kasy Prezıdenti qyzmetine qaı­ta saıla­nýyńyzǵa baı­la­nysty Sizge shyn jú­rekten shyq­qan quttyq­taýym men eń izgi tilekterimdi joldaımyn. Siz, Joǵary már­tebeli, memleket tizginin qolǵa alǵan ýa­qyt­tan beri elde qo­ǵamdyq turaqtylyq pen ekono­mıkanyń jo­ǵary ósý serpini saqta­lyp keledi, halyq­tyń ál-aýqaty udaıy artýda, Qa­zaq­stannyń halyqaralyq jaǵ­daıy anaǵurlym nyǵaıýda. Sizdiń basshy­lyǵyńyzben Qazaqstan hal­qy memleketti eńselentý men damytý isinde jańa, anaǵurlym  mańyzdy ta­bys­tarǵa qol jetkizetinine senemin. Qytaı men Qazaqstan tatý kór­shiler, jaqsy dostar men senimdi áriptester bolyp taby­la­dy. Dıplo­ma­tııalyq qatynastar ornatylǵaly bergi 19 jyldyń ishinde bizdiń el­derimizdiń ara­syndaǵy qatynastar jaǵymdy arnada damyp keledi. Saıası salada ózara qurmet pen ózara senim­niń joǵary deńgeıi, al eko­no­mı­kalyq salada ózara tıimdilik pen birlese damýǵa negizdelgen ynty­maqtastyq jolǵa qoıylǵan. Almasý men yn­ty­maq­tastyq ár­túrli salalarda boı kór­se­týde, kópjaqty aıada tyǵyz ózara yq­pal­dastyq pen úıles­ti­rý qoldaý tabýda. Qy­taı jaǵy bizdiń el­de­rimizdiń arasyndaǵy kóp­ten qa­lyptasqan dos­tyq qa­tynas­tardy joǵa­ry ba­ǵalaıdy. Men Sizben birlese oty­ryp stra­tegııalyq áriptestiktiń Qytaı-Qazaqstan qa­ty­nasta­ryn bizdiń elderimiz ben  ha­lyqta­ry­myz­dyń ıgiligi úshin munan da joǵary deńgeıge kóterýge talmaı kúsh-jiger jum­saýǵa daıynmyn. Sizdi О́zińizge yńǵaıly ýaqyt­ta Qytaıǵa demalysqa shaqyrýdy már­tebe kóremin. Joǵary mártebeli, Sizge myqty densaýlyq jáne jumysta tabys tileımin. Qazaqstan Respýblıkasyna qýat­ty­lyq pen órkendeý, el halqyna baqyt pen ıgilik tileımin.

Qytaı Halyq Respýblıkasynyń Tóraǵasy

Hý Szıntao

2011 jylǵy 4 sáýir,

Pekın qalasy.

*** Memleket basshysy Nursultan Nazarbaevty prezıdenttik saılaýdaǵy senimdi jeńisimen Fransýz Respýblıkasynyń   Prezıdenti Nıkolıa Sarkozı quttyqtady. Jedelhat mátininde bylaı delingen: Men Sizdi Qa­zaq­stan Respýblıkasynyń Prezıdenti qyzmetine qaıta saılanýyńyzben shyn júrekten qut­tyqtaımyn. Sizdiń ókiletti­gi­ńizdi 2020 jylǵa deıin uzartý maqsatyn kóz­degen referendým jo­basyna qarsylyq bildirgen Konstıtýsııalyq Keńestiń pikirin eskere otyryp, Siz ótken jyly Qazaqstan úlken tabyspen tóraǵalyq etken EQYU-nyń qundylyqtaryn ustana­tynyńyzdy kórsettińiz. Men Sizdiń jańa qyzmette óz jumysyńyzdyń basym baǵytynyń biri saıası reformaǵa jańa qýatty serpilis berý bolyp tabylatynyn bilemin. Búgingi mazasyz álemde reforma bizdiń halyqtarymyzdyń úmiti men kóńilin qanaǵattandyrý úshin qajet ekenin anyq túsinemiz. О́z tarapymnan men Qazaqstan­nyń álemdik arenada ósip kele jat­qan tanymaldyǵyn nazaryma ala otyryp, osy taqyrypqa jáne ózge de mańyzdy halyqaralyq taqyryptarǵa arnalǵan únqatysýdy jalǵastyrýǵa qýanyshty bolǵan bolar edim. Son­daı-aq Sizdiń elińiz bıylǵy jyly Islam Konferensııasy Uıymyna tóraǵalyq etetini sózime mysal bola alady. Bıylǵy jyly Úl­ken Jıyrmalyqqa tór­aǵalyq ete otyryp, óz basym biz talqy­laýǵa tıisti mańyzdy másele­ler boıynsha Qa­zaq­stannyń únin estigim keledi. Atap aıt­qanda, bul qarjylyq damý máselesi jáne halyq­aralyq valıýta júıesi, sondaı-aq shıkizat ry­nogy. Fransııa so­ny­men birge Qazaqstan men Eý­ropalyq Odaq ara­syn­daǵy seriktestikti kúsheıtý jónindegi jańa kelisimniń qory­tyndysyn qol­daýǵa daıyn. О́zińiz biletindeı, men bizdiń elderimizdi biriktirýshi, Strategııalyq seriktestik týraly kelisim aıasynda bizdiń eki jaqty qarym-qatynas­tarymyzdy damytýǵa óte úlken mán beremin. Júzege asyrý satysyndaǵy nemese talqylaýdaǵy barlyq mańyz­dy jobalar, bir ortaq maqsatqa – Siz bastap júzege asyra bastaǵan mańyzdy ındýstrııalandyrý men ınnovasııa baǵdarlamasyna biriktirilgen. Prezıdent myrza, Sizden ózińizge degen zor qurmetimdi qabyl alýy­ńyzdy ótinemin.

Fransýz Respýblıkasynyń Prezıdenti

Nıkolıa Sarkozı.