Sarabdal saıasattyń saltanaty

Keshe Aqordada Memleket basshy­sy Nursultan Nazarbaev Eýropa Par­lamenti depýtattarynan, Fransııa, Ispanııa, Belgııa ulttyq parlamentteri depýtattarynan jáne Ita­lııanyń burynǵy depýtaty, sonymen qatar, Amerıka Qurama Shtattary ókilderinen turatyn táýelsiz ha­lyq­aralyq baıqaýshylardy qabyldady, dep habarlady Qazaqstan Respýb­lı­ka­sy Prezıdentiniń baspasóz qyzmeti.

Saılaý ashyq ta móldir boldy

Kezdesýdi asha kelip Nursultan Nazarbaev meımandardy kezekten tys prezıdenttik saılaýǵa halyqaralyq baı­qaý­shy retinde kelgenderge óziniń rızashylyǵyn bildirdi. – Saılaý – bul synaq. Atqarylǵan jumystarǵa baǵa berý. О́zderińiz biletindeı, ótken jyldyń sońynda meniń ókilettigimdi 2020 jylǵa deıin uzartý týraly referendým ótkizý boıynsha bastama kóterildi. Bes jarym mıllıonnan astam adamnyń qoly jınaldy. Hal­qymyzdyń osyndaı shynaıy múd­deliligi men erik-jigerin esepke ala kelgende, sondaı-aq demokratııalyq qundylyqtarǵa senimdilik turǵysynan kelgende men kezekten tys saılaý ótkizý týraly sheshim qabyldadym, – dep atap kórsetti Memleket basshysy. Eýropa Parlamentiniń depýtaty, Eýropa Parlamentiniń Ortalyq Azııa jáne Mońǵolııa boıynsha delegasııasy basshysynyń orynbasary Alfred Rýbıks saılaý barysyn joǵary baǵalady. – Sizderdiń elderińiz Prezıdentiniń saıasatyn jastardyń joǵary deńgeıde qoldaıtynyn kórip, úlken rızashy­lyqqa bólendim. Qazaqstan halqy ózi­niń kóshbasshysy úshin daýys beretinderin atap kórsetti, – dedi A.Rýbıks jýrnalısterge arnalǵan brıfıngte. Ulybrıtanııa parlamenti Lordtar palatasynyń múshesi Lord Ýeıverlı saılaýdyń halyqaralyq standarttarǵa sáıkes ótkenin atap kórsetti. – Tutastaı alǵanda, men mynany atap kórseter edim, Qazaqstan – Or­talyq Azııadaǵy moıyndalǵan kóshbas­shy. Ol óz Táýelsizdiginiń 20 jylynda úlken bıikterdi baǵyndyrdy, – dedi Lord Ýeıverlı. – Men buǵan deıin de Qazaqstanda birneshe márte boldym jáne elde úlken ózgerister bolyp jatqanyn anyq ań­ǵaryp otyrmyn. Qazaqstannyń óte ma­ńyzdy shara – EQYU-ǵa tóraǵalyǵy asa joǵary deńgeıde ótti. Qazaqstannyń halyqaralyq arenadaǵy bedeli de jyl ótken saıyn joǵarylaı túsýde. Biz Qazaqstannyń óz jumysyn osy baǵytta jalǵastyrǵanyn qalaımyz, – dep atap kórsetti Fransııa Parlamentiniń senatory Eımerı de Monteskıý. Ispanııa Parlamenti Senatynyń Vıse-spıkeri Hýan Hose Lýkas Hımenes prezıdenttik saılaýǵa jurtshy­lyq­tyń kóptep kelgenin, ásirese, jas­tar­dyń qatary mol bolǵanyn joǵary baǵalady. – Biz baıqaýshylar úderisin kelesi jyly da rızashylyq sezimimen ót­keretin bolamyz. Sebebi, munyń ózi Qazaqstanda demokratııalyq qaǵıdattar men kóp­par­tııalylyqtyń budan arǵy da jaqsy úderisteri jalǵasyn tabatynyna senimdimiz, – dep atap aıtty H.Lýkas Hımenes. – Prezıdenttik saılaýdyń óte jaq­sy deńgeıde ótkenine eshqandaı kúmá­nim joq. Eń bastysy, saılaý úderisteri Qazaqstan halqynyń kóńil-kúı aýany men erik-jigerin aıǵaqtaıdy. Biz 65 saılaý ýchaskesinde bolyp, júzdegen saılaýshylarmen, úkimettik emes uıym ókilderimen, 9 saıası partııa ókilimen kezdestik. Jáne de olardyń barlyǵy saılaýdy Qazaqstannyń bolashaǵymen tikeleı baılanystyrdy, – dedi Investısııalar jáne salyqtar boıynsha ha­lyqaralyq ortalyqtyń prezıdenti Danıel Alan Vıtt. «Djeımstaýn» qorynyń aǵa sarap­shysy Vladımır Sokor Qazaqstannyń demokratııany evolıýsııalyq jolmen da­my­týdyń tabysty úlgisin kórset­ke­nin atap ótti. Buǵan eldegi turaqtylyq pen myqty prezıdenttik bılik oń yq­pal ete alyp otyr. – Biz Prezıdent Nazarbaevtyń qaıta saılanýyn sizderdiń memleketteri­ńiz­diń jáne sizderdiń halyqtaryńyzdyń úlken tabysy retinde baǵalaımyz, – dep málimdedi V.Sokor. Halyqaralyq baıqaýshylar Memleket basshysyna jemisti kezdesý úshin rızashylyqtaryn bildirdi. *  *  * Memleket basshysy Nursultan Na­zarbaev TMD Atqarý komıtetiniń tór­aǵasy Sergeı Lebedevti qabyldady. Atqarý komıtetiniń tóraǵasy Elba­syǵa dostastyq elderiniń mıssııasy ba­qylaýshylary jumysynyń qorytyn­dy­sy týraly habardar etti. Mıssııa qu­ramyna TMD-nyń 9 elinen 426 adam engen. – Jalpy, bizde prezıdenttik saı­laý­ǵa daıyndyq jáne ótkizý barysy tý­raly óte jaǵymdy pikir qalyptasty. Ortalyq saılaý komıssııasynan bastap, ýchaskelik saılaý komıssııasyna deıin barlyq deńgeıde joǵary uıym­dastyrýshylyq atap ótildi. Baı­qaý­shy­lar úshin qajetti jaǵdaı jasalǵan, qa­jetti qoldaý kórsetildi jáne mate­rıal­darǵa qoljetimdilikke ıe boldyq. Saılaý ashyq, demokratııalyq tur­ǵyda ótti jáne azamattardyń óz erkin bildirý quqyǵy qamtamasyz etildi dep tolyq negizde málimdeımin, dep atap ótti S.Lebedev jýrnalısterge arnalǵan brıfıng barysynda. *  *  * Memleket basshysy Eýropa Keńe­si Parlamenttik Assambleıasy (EKPA) mıs­sııasy baqylaýshylarynyń bas­shy­sy Iýlııa Levochkınany qabyldady. EKPA mıssııasynyń basshysy Nur­sultan Nazarbaevty bolyp ótken prezıdenttik saılaýdyń alǵashqy nátı­je­lerimen quttyqtady, sondaı-aq Ýkraına Prezıdenti Vıktor Iаnýkovıchtiń atynan Memleket basshysyna den­saý­lyq jáne osy joǵary qyzmetinde tabys tilegen shyn nıetti quttyqtaýyn jetkizdi. Elbasy óz kezeginde Qazaqstan Parlamenttik Assambleıamen alda da belsendi yntymaqtastyqta bolatynyn jáne ekonomıkalyq, saıası jańǵyrtý saıasatyn jalǵastyratynyn atap ótti. – Qazaqstan Respýblıkasy Eýropa Keńesine múshe emes. Sondyqtan EKPA-nyń mıssııasy tek qana qysqa sa­parmen kelip, saılaý barysyn ba­qylaýmen boldy. Biz prezıdenttik saılaý tamasha uıymdastyrylǵan, tynysh, jumys atmosferasynda ótti dep sa­naımyz. Saılaýshylardyń qatysýy joǵary deńgeıde bolýy Qazaqstandaǵy saılaýaldy úderisterdiń senimdi damyp otyrǵandyǵynyń kýási, dep atap ótti Iý.Levochkına jýrnalısterge arnalǵan brıfıng barysynda. Sýretterdi túsirgender S.BONDARENKO, B.OTARBAEV.