2011 jylǵy 28 aqpan Astana qalasy
Qazaqstan Respýblıkasynyń til týraly zańdaryn qoldaný salasyndaǵy táýekelder dárejesin baǵalaý krıterıılerin bekitý týraly
«Qazaqstan Respýblıkasyndaǵy memlekettik baqylaý jáne qadaǵalaý týraly» 2011 jylǵy 6 qańtardaǵy Qazaqstan Respýblıkasy Zańynyń 13-babynyń 3-tarmaǵyna sáıkes buıyramyn:
1. Qosa berilip otyrǵan Qazaqstan Respýblıkasynyń til týraly zańdaryn qoldaný salasyndaǵy táýekelder dárejesin baǵalaý krıterııleri bekitilsin.
2. Qazaqstan Respýblıkasy Mádenıet mınıstrliginiń Til komıteti:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) memlekettik tirkeýden ótkennen keıin osy buıryqtyń resmı jarııalanýyn;
3) osy buıryqtyń Qazaqstan Respýblıkasy Mádenıet mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý vıse-mınıstr Ǵ.T.Telebaevqa júktelsin.
4. Osy buıryq Qazaqstan Respýblıkasynyń Ádilet mınıstrliginde memlekettik tirkelýden ótken kúnnen bastap kúshine enedi.
5. Osy buıryq ony alǵashqy resmı jarııalaǵan kúninen keıin kúntizbelik on kún ótken soń qoldanysqa engiziledi.
Mınıstr M. QUL-MUHAMMED.
Qazaqstan Respýblıkasy Mádenıet mınıstriniń
2011 jylǵy 28 aqpandaǵy №38 buıryǵymen bekitilgen
Qazaqstan Respýblıkasynyń til týraly zańdaryn qoldaný salasyndaǵy táýekelder dárejesin baǵalaý krıterııleri
1. Qazaqstan Respýblıkasynyń til týraly zańdaryn qoldaný salasyndaǵy táýekelder dárejesin baǵalaý krıterııleri (budan ári krıterııler) «Qazaqstan Respýblıkasyndaǵy memlekettik baqylaý jáne qadaǵalaý týraly» 2011 jylǵy 6 qańtardaǵy Qazaqstan Respýblıkasy Zańynyń 13-baby 3-tarmaǵyn men «Qazaqstan Respýblıkasyndaǵy til týraly» 1997 jylǵy 11 shildedegi Qazaqstan Respýblıkasy Zańyn oryndaý úshin ázirlengen.
2. Osy krıterıılerde mynadaı uǵym paıdalanylady:
1) baqylaý sýbektisi – qyzmet barysynda is júrgizýde tilderdi Qazaqstan Respýblıkasynyń til týraly zańdaryna sáıkes qoldanatyn ortalyq jáne jergilikti atqarýshy organdar;
2) táýekel – ortalyq jáne jergilikti atqarýshy organdar tarapynan til týraly zańnamalardyń saqtalýyn qamtamasyz etý boıynsha shara qoldanbaýy.
3. Táýekel dárejesine baılanysty sýbektiler mynadaı josparly tekseris júrgizý merzimdiligimen joǵary, ortasha jáne bolmashy táýekel toptaryna jatady:
obektilerdiń joǵary dárejeli táýekelinde – jylyna bir retten; obektilerdiń ortasha dárejeli táýekelinde – úsh jylda bir retten; obektilerdiń bolmashy dárejeli táýekelinde – bes jylda bir retten jıi emes.
4. Alǵashqyda barlyq baqylaý sýbektileri bolmashy táýekel dárejesine jatqyzylady.
5. Budan ári tekserý nátıjeleri boıynsha krıterııler boıynsha jınaǵan balldardy esepke ala otyryp, tekserýden ótken baqylaý sýbektisi táýekel dárejesiniń tıisti toptaryna bólinedi:
1) táýekel dárejesiniń bolmashy tobyna tekserý nátıjesi boıynsha 1-den 5-ke deıin ball jınaǵan baqylaý sýbektileri jatady;
2) táýekel dárejesiniń ortasha tobyna tekserý nátıjesi boıynsha 6-dan 11-ge deıin ball jınaǵan baqylaý sýbektileri jatady;
3) táýekel dárejesiniń joǵary tobyna tekserý nátıjesi boıynsha 11 balldan joǵary jınaǵan baqylaý sýbektileri jatady.
6. Táýekel dárejesin baǵalaýdyń krıterııleri bolyp mynalar tabylady:
is júrgizýge qoıylatyn talaptardyń buzylýy – 1 ball;
kórneki aqparattar mátinderin ornalastyrý tártibiniń saqtalmaýy –
2 ball;
azamattardyń ótinishterine qaıtarylatyn jaýap tiliniń saqtalmaýy –
3 ball;
qujattama júrgizý tiliniń qamtamasyz etilmeýi – 4 ball;
aktilerdiń memlekettik tilde qabyldanbaýy – 5 ball.
––––––––––––––––
Buıryq Qazaqstan Respýblıkasynyń Ádilet mınıstrliginde 2011 jylǵy 18 naýryzda Normatıvtik quqyqtyq kesimderdi memlekettik tirkeýdiń tizilimine №6827 bolyp engizildi.