«Bul tańdaý Qazaqstan halqynyń Sizge jáne Sizdiń saıasatyńyzǵa degen orasan seniminiń aıǵaǵy»

Ortalyq saılaý komıssııasy Nursultan Nazarbaevty Qazaqstan Respýblıkasynyń saılanǵan Prezıdenti etip tirkedi. Tıisti kýálik pen tósbelgi Elbasynyń qyzmetine resmı kirisýine oraı 8 sáýirde ótetin saltanatty Ulyqtaý rásiminde tabys etiledi. EQYU Bas hatshysy Mark Perren de BRIShAMBO:

«Bul tańdaý Qazaqstan halqynyń Sizge jáne Sizdiń saıasatyńyzǵa degen orasan seniminiń aıǵaǵy»

«Baǵa degen salystyr­maly nárse. Baǵanyń baǵasy ol baǵa­ny kimniń berýine baılanysty» – «Egemen Qa­zaqstannyń» elimizdegi kezekten tys prezıdenttik saı­laýǵa oraılastyrǵan ar­naý­ly shyǵarylymyndaǵy «Biz­diń el osyndaı! Bizdiń er osyn­daı!» degen maqala­daǵy bul sózder Nursultan Nazarbaevtyń jarqyn jeńi­si­ne álemniń jetekshi elde­ri­niń basshylarynan kelip tú­sip jatqan quttyqtaý­lar­dy oqyǵanda oıǵa qaıta orala­dy. Elbasymyzǵa bul kúnderi joldanyp jatqan sondaı asa salmaqty quttyq­taýdyń biri álemdegi aıryqsha bedeldi uıym­nyń – Eýropadaǵy qaýipsizdik pen yntymaqtastyq uıymy­nyń Bas hatshysy, halyqaralyq qoǵamdastyqta sózi bólekshe qadirli basshy Mark Perren de Brıshambonyń quttyqtaýy. Joǵary mártebeli, men Sizdi Qazaqstan Respýb­lı­kasynyń Prezıdenti qyzmetine qaıta saılanýy­ńyzben shyn júrekten quttyqtaımyn jáne bul tań­daý Qazaqstan halqynyń Sizge jáne Sizdiń saıa­satyńyzǵa degen orasan seniminiń aıǵaǵy dep sanaımyn, dep bastalady EQYU Bas hatshysynyń quttyqtaýy. «Sizdiń údemeli ekonomıkalyq damyp kele jatqan jas memlekettiń qalyptasýyndaǵy jeke úlesińiz jáne joǵary halyqaralyq bedelińiz hal­qyńyzdan laıyqty baǵa­syn aldy, al Qazaqstandy odan ári damytý jolyndaǵy kóz­qarasyńyz qoldaýǵa ıe bol­dy. Sizdiń basshy­ly­ǵy­ńyzben saıası jáne áleý­mettik-ekono­mı­kalyq damý­ǵa umtylysy jo­lynda Qa­zaqstanǵa keleshekte tabys­tarǵa jetýine tilektestik bildiremin, Qazaqstan men EQYU arasyndaǵy jemisti yn­ty­maqtastyq jalǵasa­ty­nyna senemin. Biz Qazaqstan taraby­nyń EQYU-ǵa qol­daýyn joǵa­ry baǵalaımyz. Oǵan Sizdiń eldiń ótken jyly EQYU-nyń Tóraǵasy retindegi óte tabys­ty lıderligi dálel bolyp tabylady. Qazaqstan bizdiń Uıymnyń ómirine jańasha dem jáne onyń jumysyna tyń serpin berdi. Men Qazaqstan alda da EQYU-da belsendi ról atqaratynyna senimdimin», dep aq tilegin aqtarǵan EQYU Bas hatshysynyń bul baǵasy halyqaralyq qoǵamdastyqta saılaýlar ótkizý jóninde negizgi bedeldi uıym bolyp sanala­tyn Eýropadaǵy qaýipsizdik pen yntymaqtastyq uıymynyń Qazaqstandaǵy demokratııalyq jańarý­larǵa tıisinshe qoldaý kórsetip otyrǵanyn bildiredi. Bas hatshynyń quttyqtaýyndaǵy bizdiń elimizdiń «EQYU-nyń Tóraǵasy retindegi óte tabysty lıderligi» jaıynda atap aıtqany, «Qazaqstan bizdiń Uıymnyń ómirine jańasha dem jáne onyń jumysyna tyń serpin berdi» dep qadap kórsetýi bárimizdiń mereıimizdi tasytady.