Ortalyq memlekettik mýzeı­de jas sýretshilerdiń kórmesi ashyldy

Ortalyq memlekettik mýzeı­de jas sýretshiler Danııar já­ne Asylgúl Baıdara­lın­derdiń otbasylyq kórmesi ashyl­dy. Amerıkaǵa qonys aýdar­ǵan Qazaqstannyń bel­gili baletmeısteri Janat Baı­da­ralınniń balasy Danııar uzaq jyldar Amerıkada tur­ǵandyqtan, qazaq tarıhy men mádenıetin tanystyratyn alǵashqy kórmesin ilgerirekte amerıkalyqtarǵa arnap uıym­dastyrsa, bul – olardyń Qa­zaqstanda ótkizip otyrǵan tuń­ǵysh úlken kórmesi. Kórme aıasynda D.Baıdaralınniń «Sa­daqshylyq – ıskýsstvo ızgo­tov­lenııa ı strelby ız kazah­s­­kogo konnogo lýka» at­ty ki­tabynyń tusaýkeseri boldy. Sondaı-aq, Danııardyń sýret ónerindegi taqyryby kósh­peliler mádenıeti jáne qazaq qarý-jaraǵynyń tarıhy bol­ǵandyqtan, kórmege kel­gen­derge at ústinde atylatyn sadaqty paıdalaný tásilin kórsetti. Sýretshiler qazaq ulttyq mádenıeti men tarıhyna qa­tysty týyndylarynda únemi erekshe kompozısııalyq she­shim­derdi izdestiredi. D.Baı­daralınniń jumystary babalarymyz qaldyrǵan baı mu­raǵa negizdelgen jáne ol sýretshiniń óz oıymen sheber ushtastyrylǵan. Kartınalar, negizinen, túrli-tústi jáne aq-qara gammada salynǵan. Kórmege qoıylǵan jumystarda halyq turmys-tirshiliginiń ulttyq naqyshtary, jerin, elin qorǵaǵan batyrlardyń qaısarlyǵy men patrıottyq rýhy sıpattalady. Al Asylgúl Baıdaralınanyń jumystary keskindeme já­ne grafıka tehnıkasynda oryn­dalǵan: áıel men ana taqy­ry­byna arnalǵan «Áıeldi keıip­teý» fantastıkalyq portretter se­rııasy, «Qyz uzatý» trıp­tıhy ulttyq boıaýynyń qanyq­ty­­ǵy­men tereń mazmunǵa ıe bolǵ­an. Sýretshi Baıdaralınder jazý ónerin de serik etken. Danııar Baıdaralınniń «Sadaqshylyq – ıskýsstvo ızgotovlenııa ı strelby ız kazahskogo konnogo lýka» kitaby kóshpelilerdiń bas qarýy – qazaqtyń at ústinde sadaq atý ónerine arnalǵan alǵashqy ǵylymı eńbekterdiń biri. Sýretshi osy ónerdi zerttegen maman retinde ǵylymı izdenisin toqtatpaı, jalǵastyra beretinin aıtady. Kitap av­tordyń óz aýdarmasymen orys jáne aǵylshyn tilderinde jaryq kórgen. Asylgúl Baıdaralına «Bizdiń Sara apaı», «Sıqyrly balta» jáne «Taýyq armany» syndy balalarǵa arnalǵan birneshe kitaptyń avtory jáne ıllıýstratory boldy. Túrli-tústi jáne aq-qara tústi grafıkada oryndalǵan kitaptar avtordyń ishki áleminiń keńdigi men qııalynyń ushqyrlyǵyn pash etken. Búginde sýretshiler «Baı­daraly Stýdıo» shyǵarmashylyq sheberhanalarynda beıneleý ónerimen aınalysady. Kór­mege Baıdaralynyń balalary Kúnikeı men Taımastyń ju­mystaryn qosa alǵanda, 80-nen astam kartına tamashalaý­shy jurttyń nazaryna usynylǵan. Kórme 28 aqpanǵa deıin jal­ǵasady. Aıgúl AHANBAIQYZY, «Egemen Qazaqstan» ALMATY