Parlament Senaty Áleýmettik-mádenı damý jáne ǵylym komıtetiniń tóraıymy Birǵanym Áıtimova bastaǵan komıtet músheleri «Ulttyq neırohırýrgııa ortalyǵy» aksıonerlik qoǵamynda boldy, dep habarlady Parlament Senatynyń baspasóz qyzmeti.
Kezdesýdi asha kelip, B.Áıtimova Qazaqstan Prezıdenti Nursultan Nazarbaev jarııa etken 5 ınstıtýttyq reformany oryndaý jónindegi «100 naqty qadam» Ult josparyn júzege asyrýda Parlament qajetti zańnamalyq baza qalyptastyrǵanyn atap ótti.
B.Áıtimova sondaı-aq, Parlament aldynda Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» Joldaýyndaǵy barlyq basymdyqtardy iske asyrý aıasynda aýqymdy ári jaýapty jumystar turǵanyn atap ótti.
Senator syrqattarǵa joǵary bilikti neırohırýrgııalyq kómek kórsetýdegi ortalyqtyń eleýli úlesine toqtalyp, komıtet músheleriniń osy sapary mindetti áleýmettik medısınalyq saqtandyrýdyń jańa úlgisin engizýdiń qarsańynda densaýlyq saqtaý salasyndaǵy mekemelerdi tanystyrý sharalarynyń bir bóligi ekenin aıtty. Buryn komıtet Áleýmettik medısınalyq saqtandyrý qorynyń basshylyǵymen kezdesý uıymdastyrǵan bolatyn.
Kezdesý barysynda «Ulttyq neırohırýrgııa ortalyǵy» aksıonerlik qoǵamy basqarmasynyń tóraǵasy Serik Aqsholaqov ortalyqtyń jumysy týraly áńgimeledi, depýtattar balalar neırohırýrgııasy, reanımasııa jáne ıntensıvtik emdeý, ortalyq júıke júıesiniń patologııasy, gospıtaldyq farmasııa, antıografııalyq operasııa bólimderinde, sondaı-aq, trenıng ortalyǵynda boldy.
Kezdesý barysynda egjeı-tegjeıli pikir almasý boldy. Senatorlar densaýlyq saqtaý salasynyń aldynda turǵan jekelegen máselelerge toqtaldy. Senat depýtattary A.Bıjanov, Á.Bektaev jáne J.Erǵalıev óz oılaryn ortaǵa saldy.