Pavlodar oblysy Aqsý qalasynda gaz ballony jarylyp, úsh adam zardap shekti. Olardyń biri aýyr halde jansaqtaý bóliminde jatyr. Qaıǵyly oqıǵa jekemenshik turǵyn úılerdiń birinde bolǵan, dep jazady Egemen.kz.
Pavlodar oblystyq tótenshe jaǵdaılar departamentiniń málimetinshe, 10 lıtrlik gaz ballonynan gaz-aýa qospasy tutanyp, artynsha órt shyqqan. Aldymen úıdiń dálizindegi turmystyq zattar men jıhaz janǵan, keıin jalyn shatyrdyń aǵash qurylymdaryna taraǵan.
Mańǵystaýda janarmaı beketinde jarylys bolyp, jumysshyny kúıik shaldy
Jarylys kezinde úı ishinde adamdar bolǵan. Oqıǵa ornyna birden jedel járdemniń úsh brıgadasy jiberilip, Aqsý qalalyq aýrýhanasyna 56 jáne 54 jastaǵy eki áıel men 33 jastaǵy er adam jetkizildi.
Shýchınsktegi dámhanada jarylys boldy: 7 adam qaza tapty
Densaýlyq saqtaý basqarmasynyń habarlaýynsha, 1970 jyly týǵan áıeldiń denesiniń 50-55 paıyzy kúıip, beti men denesin termııalyq kúıik shalǵan. Ol aýyr jaǵdaıda jansaqtaý bólimine jatqyzylyp, jasandy tynys alý apparatyna qosylǵan.
Shahtınskidegi jarylys: Páterdi qasaqana órtedi degen kúdikke ilingen er adam ustaldy
Al 1972 jyly týǵan áıeldiń qoly, aıaǵy jáne qulaq qalqandary kúıgen. Er adam qolyn kúıik shalǵan. Olarǵa medısınalyq kómek kórsetilgennen keıin, ekeýi ambýlatorııalyq emge jiberildi.