20 aqpan kúni Qyzylorda oblysynyń ákimi Qyrymbek Kósherbaev aımaq tynysymen tanysý maqsatynda eki kúndik saparmen kelgen «Yntymaqtastyqqa yqpal jasaý jónindegi Qazaqstan-Koreı ortalyǵy» AQ dırektory Vý Djong Hı hanymmen kezdesti. Kezdesý barysynda aýyl sharýashylyǵyn damytý, Qyzylorda qalasyndaǵy jańa áýejaıdy damytý jáne Syrdarııa ózeniniń sol jaǵalaýyndaǵy qurylys máseleleri boıynsha jobalar talqylandy.
Aımaq basshysy Vý hanymǵa yntymaqtastyqtyń áleýetti salalary men ınvestorlarǵa beriletin preferensııalar týraly aıtyp berdi.
Kezdesý qorytyndysy boıynsha taraptar yntymaqtastyq týraly memorandýmǵa qol qoıdy.
19 aqpan kúni Qazaqstan-Koreı ortalyǵynyń ókilderi Jańaqorǵan aýdanynyń agrarlyq ónerkásibimen, óńirlik kásipkerler palatasynyń qyzmetimen jáne «Jan-Araı Jem» JShS zaýytynyń jumysymen tanysyp, aımaqtaǵy káris dıasporasymen kezdesti.