2017 jylǵy 17-19 aqpanda Sıngapýrda Týrıstik agenttikteriniń ulttyq qaýymdastyǵy (National Association of Travel Agents of Singapore) uıymdastyrǵan «NATAS Travel Fair» atty mereıtoılyq 50-shi týrıstik kórme ótkizildi, dep jazady primeminister.kz.
Kórme barysynda Sıngapýr jurtshylyǵyna Qazaqstannyń týrızm áleýeti men 2017 jyldyń basty is-sharasy «EKSPO-2017» Halyqarylyq kórmesi tanystyryldy.
Osymen, Qazaqstan atalǵan kórmege úshinshi ret qatysyp otyr. «Qazaqstan - Uly dala eli» atty pavılonyn Qazaqstan Respýblıkasynyń Sıngapýrdaǵy Elshiligi uıymdastyrǵan.
Qazaqstandyq pavılonnyń negizgi serpini elimizdiń týrıstik áleýetin Sıngapýr jurtshylyǵy jáne týrıstik operatorlary arasynda tanystyrýǵa jáne «EKSPO-2017» kórmesine tartýǵa baǵyttalǵan.
Sıngapýrdyń týrıstik agenttikteriniń ulttyq qaýymdastyǵynyń Prezıdenti Devınder Orı qazaqstandyq pavılondy aralaý barysynda sıngapýrlyq týrısterdiń Qazaqstanǵa aǵynynyń aıtarlyqtaı artqandyǵyn, onyń ústine, Sıngapýrdyń «EKSPO-2017» Kórmesine qatysatynyn eskere otyryp, Astanadaǵy EKSPO kórmesiniń uıymdastyrylýy álemdik týrıstik naryqta Qazaqstanǵa qatysty qyzyǵýshylyqqa oń serpinin tıgizetindigin basa aıtty.
Is-shara ótkizilýiniń úsh kúni ishinde kórmege 111 myńnan astam adam keldi. Qazaqstandyq pavılondy 8 myńnan astam adam tamashalady.