Otandyq farmasevtıka jáne medısınalyq óndiristiń negizin qalaǵan qoǵam qaıratkeri Serik Sultanov 58 jasynda ómirden ozdy, dep jazady palata.kz.
Serik Egeluly Sultanov 1959 jyly 9 qazanda Pavlodar oblysy Panfılov aýylynda dúnıege kelgen. 1980 jyly Pavlodar pedagogıkalyq ınstıtýtyn «matematıka» mamandyǵy boıynsha támamdaǵan. Eńbek jolyn orta mektepte jáne Ertis aýdandyq BLKJO hatshylyǵynan bastaǵan, odan keıin Pavlodar oblystyq BLKJO komıtetiniń bólim meńgerýshisi qyzmetin atqardy.
1990–1998 jyldary – «Med-polımer» AQ Bas dırektory, 1998 jyldan bastap Dárilik zattar saraptamasy ulttyq ortalyǵynyń" «Dári-dármek» RMKK bas dırektory qyzmetin atqarǵan. 2002-2003 jyldary Qazaqstan Respýblıkasy Densaýlyq saqtaý mınıstrligi Farmasııa, farmasevtıkalyq jáne medısınalyq ónerkásip komıtetiniń tóraǵasy boldy.
2004 jyldan bastap «Qazaqstannyń FarmMedIndýstrııasy» farmasevtıkalyq jáne medısınalyq ónim óndirýshileri qaýymdastyǵynyń basshysy jáne «Medısınalyq tehnıka jetkizýshileriniń qaýymdastyǵy» ZTB tóraǵasy, sonymen qatar «Atameken» QR Ulttyq kásipkerler palatasy Tóralqasy Farmasevtıka, medısına ónerkásibi men medısınalyq qyzmetter komıtetiniń múshesi bolǵan.
Sondaı-aq, 2007 jyldan bastap Qazaqstan Respýblıkasy Prezıdenti janyndaǵy Kásipkerler keńesiniń músheliginde, al 2008 jyldan Qazaqstan Respýblkasynyń Kásipkerlik máseleleri jónindegi agenttiginiń Sarapshylar keńesiniń quramynda jáne «Ulttyq medısınalyq holdıng» AQ Dırektorlar keńesiniń múshesi boldy
«Atameken» QR Ulttyq kásipkerler palatasy Serik Sultanovtyń dúnıeden ótýine baılanysty marqumnyń otbasy men týǵan-týystaryna qaıǵyryp kóńil aıtady.
Qaraly jıyn 2017 jyly 21 aqpanda saǵat 9-30-da Ulttyq ǵylymı kardıohırýrgııa ortalyǵynda ótedi. Meken-jaıy: Astana qalasy, Turan dańǵyly, 38.