Azıadanyń alǵashqy altyny

Japonııanyń Sapporo qala­synda jalaý jelbiretken VIII qysqy Azııa oıyn­darynda shańǵyshy Rınat Mýhın Qazaq eline alǵashqy altyn medal­dy syıǵa tart­ty. Ol 15 shaqy­rym­dyq jekeleı synda al­dyna jan salmaı, 41:25.3 sekýnd ýaqyt­pen máre syzy­ǵyn birinshi bolyp qıdy. Chempıonnan +4,5 sekýnd qalyp kelgen japon sportshysy Naoto Baba kúmis júlde ıegeri atansa, Kúnshyǵys eliniń taǵy bir shańǵyshysy Akıra Lentıng (+8.0) qola medaldy qanaǵat tutty. Bul qashyqtyqta baq synaǵan Sergeı Cherepanov, Nıkolaı Chebotko jáne Erdos Ahmadıev syndy shańǵyshylarymyz, sáı­kesinshe jarysty tórtinshi, besin­shi jáne altynshy bolyp aıaqtady. Aq Azıada chempıony Rınat Mýhın qazaqstandyq BAQ ókil­­derine bergen suhbatynda jarys týraly óziniń oı-pikirin bylaı­sha bildiripti: «Bul jer­de báse­kelestik joǵary deńgeı­de boldy. Álem kýbogy synyn­da úzdik otyzdyqqa engen eki-úsh qar­sy­lastyń bolǵanyn estigenim bar-tyn. Jalpy, ózime degen senim­niń arqasynda jeńis­ke jettim. Eger de, Almatydaǵy Ýnı­ver­­sıada men Sapporodaǵy Azıa­­dany salystyrar bolsaq, biz­degi jaǵdaı qaı jaǵynan alyp qara­ǵanda da artyǵyraq boldy. Baıqaýymsha, bul jerde qysqy sport bizdegideı tanymal emes sııaqty». Aq Azıada dodasynda alǵash­qy altyn júldeni alǵan Rınat Mýhın 23 jasta. Qazir ol Sol­tús­­tik Qazaqstan memlekettik ýnı­versıtetiniń magıstranty. Chempıon – sportshylar otbasynan shyqqan. Ákesi Aleksandr Mýhın kezinde bıat­­lonshy bolypty. KSRO chempıo­natynda jetinshi oryn alǵan kórsetkishi bar. Anasy Sáýle de jasynda shańǵyny serik etken eken. Rınat Mýhın jaqynda ǵana Almatyda ótken XXVIII Dúnıe­júzilik qysqy Ýnı­ver­sıadanyń erler arasyndaǵy estafeta sy­nynda kúmis júlde ıegeri atan­ǵan edi. Sol kezde Soltústik Qaza­q­stan oblysynyń ákimi Erik Sul­tanov shańǵyshynyń taby­­syn joǵary baǵalap, onyń jat­tyq­tyrýshylary, ıaǵnı je­ńim­­paz­dyń ata-anasy Alek­sandr jáne Sáýle Mýhın­derge úsh bólmeli páterdiń kiltin tabys etken bolatyn. Bul kúni jarys jolyna shyqqan konkıshi Denıs Kýzın 1000 metrlik qashyqtyqta kúmis medal aldy. Sondaı-aq, Elena Kolo­­mına 10 shaqyrymdyq shań­­ǵy jarysynda qola medal ıe­geri atandy. Eske salar bol­saq, bul shańǵyshy budan buryn sprın­terlik synda el qorjy­nyna kúmis medal salǵan bolatyn. Qysqy Azıadadaǵy úshinshi jarys kúniniń qorytyndysy bo­ıynsha Qazaqstan quramasynyń qorjynynda tórt medal bar. Jalpykomandalyq esepte bizdiń sportshylar tórtinshi orynda keledi. Qaırat ÁBILDINOV, «Egemen Qazaqstan»