Qasıetti Qaǵba men Másjid Ál-Haram meshiti beınelengen maket «Qazaqstan Respýblıkasynyń Tuńǵysh Prezıdenti – Elbasy kitaphanasy» memlekettik mekemesiniń Interaktıvti bilim berý ortalyǵynda tur. Asa qundy jádiger altyn, kúmis, granıt jáne mármár metaldardan jasalǵan. Ony Prezıdent N.Nazarbaevtyń Saýd Arabııasyna 1994 jyly alǵashqy resmı sapary kezinde Saýd Arabııasynyń koroli Fahd Bın Ábdel Ázız Ál Saýd syılaǵan. Osydan jıyrma jyl burynǵy derekter Arab korolimen josparlanǵan jarty saǵattyq kezdesýdiń eki saǵatqa ulasqanyn, Prezıdent N.Nazarbaevtyń Qaǵbanyń ishine kirý qurmetine ıe bolǵanyn málimdeıdi. Elbasy sol saparda Medınede de bolyp, Muhammed Paıǵambar (s.ǵ.s) jerlengen zıratqa kirgen. Sol kezde kópten kútken jaýyn jaýyp, muny jurtshylyqtyń jaqsy yrymǵa balaǵanyn aqparat quraldary tebirene jazǵan bolatyn.
Aıgúl SEIILOVA,
«Egemen Qazaqstan»
Sýretti túsirgen
Orynbaı BALMURAT