Aqpan aıynyń basynda "31 telearna" "Kelinder báıgesi" telejobasynyń úshinshi maýsymyn túsirýdi bastaǵan edi. О́mirdegi naqty oqıǵalarǵa qurylǵan osynaý realıtı-shoý kórermenderge qandaı tálim-tárbıe beredi? Ol aldaǵy ýaqyttyń enshisinde.
Al jańa maýsymda joba jetekshileri elimizdiń Túrkistan, Qyzylorda, Taldyqorǵan qalalary men Qazaqstannyń Qytaımen shektesetin aýdandarynyń otbasylyq dástúrlerine den qoımaq.
Osylaısha jańadan tabaldyryq attaǵan tórt kelin bir-biriniń aýyldaryna barady. Toılaryna qatysady. О́z óńirlerinen jyraqqa saıahat shegip, ádet-ǵuryptarmen tanysady. Ár aımaqtyń óz saltyn, kelindik ádepterin kórsetedi. Ár oblysta quda-jegjattyq, toı ótkizýdiń de ózindik joralǵylary bar. Qysqasy, kórermender úshin jańa maýsymnyń da óz qyzyqtary bolýy tıis. Osynyń aldyndaǵy eki maýsymda kelinder atalmysh telearnanyń bedelin kótergen kórinedi. Máselen, aldyńǵy jobada Batys pen Shyǵys Qazaqstan oblystary jáne Pavlodar men Aqtóbeniń kelinderi kórsetilgen bolatyn.
Aınash ESALI,
«Egemen Qazaqstan»
ALMATY