О́ńirdegi órkendi ister

Qaraǵandy oblysynyń ákimi Nurmuhambet Ábdibekovtiń halyq aldyndaǵy esep berý kezdesýi bolyp ótti. Atalmysh is-sharaǵa Qorǵanys jáne aeroǵarysh ónerkásibi mınıstri Beıbit Atamqulov pen Parlament Senatynyń depýtaty Sergeı Ershov qatysty. Sondaı-aq, eńbek ardagerleri, máslıhat depýtattary, memlekettik organdardyń basshylary, qoǵamdyq birlestikter men aqparat quraldarynyń ókilderi jınaldy. Selektorlyq rejimde oblystyń barlyq aýdandary men qalalary qosylǵan kezdesý resmı saıtynda jáne feısbýktegi «Saryarqa» paraqshasynda onlaın rejimde alǵash ret júrgizildi. Alqaly jıynda ótken jyldyń oń nátıjeleri men alda­ǵy jos­parly mindetter jaıy keńinen tal­qylandy. Qazaqstan ónerkásibiniń qa­ra shańyraǵy bolyp sana­la­tyn Qaraǵandynyń atqarýshy or­gandary meshin jylynda me­je­legen jumystar «Qazaq­stan-2050» strategııasynda, bes ınstıtýttyq reformany iske asyrý jónindegi «100 naqty qadam» Ult jospary men Qazaqstan halqyna jyl saıyn­­­­ǵy Joldaýlarynda el Pre­zıdenti Nursultan Ábishuly Nazarbaev qoıǵan mindetterdi she­shýge jáne reformalardy jal­ǵastyrýǵa baǵyttalǵan. Aıtalyq, turǵyn úı qury­lysy, agroónerkásip keshenin damy­tý, shaǵyn jáne orta bıznesti qol­daý jónindegi memlekettik baǵ­dar­lamalardy iske asyrý úshin qoıylǵan naqty mindetter byl­tyrǵy jyly ekonomıkalyq damý­daǵy basym baǵyttar boldy. Mysaly, ótken jyly ekono­mıkalyq ósim 1,3 paıyzǵa qam­tamasyz etilip, aımaqtyń jalpy óńirlik ónimi 3,3 trln teńgeni qu­rapty. Bul – respýblıka boı­ynsha 4-shi orynǵa taban tiregen tolaıym tabys pen kólemdi kórset­kish. О́nerkásipte, aýyl sha­rýa­shy­lyǵynda, kólik qyzmetinde, turǵyn úılerdi paıdalanýǵa berý, qarjy salasy jáne basqa da birqatar kórsetkishter boıynsha júıeli jumystar atqarylǵan. Naqty kórsetkishter boıynsha, ortasha jalaqy 9,4% paıyzǵa ósken jáne 123 myń teńgeden asqan. Aımaq basshysy málim et­kendeı, óndirisi men ónerkásibi órken jaıǵan aımaq retinde Qaraǵandy 2016 jylǵy óner­kásiptik óndiris kólemin 1,9 trln teńgege jetkizip, 2015 jylǵa qaraǵanda 4,9%-ǵa arttyrǵan. О́ńirdiń óristeýindegi birqatar kórsetkishterdiń oń ser­pin alýyn byltyrǵy jylǵy shy­ǵarylǵan taýarlardyń basym bóligi óńdeý ónerkásibine tıesili – 1,5 trln teńgeni quraǵandyǵynan-aq anyq ańǵarýǵa bolady. Sonymen birge, 2016 jyly aımaqta kásipkerlikti damytý boı­ynsha jalpy quny 141 mlrd teńgeni quraıtyn 10 joba iske qosylyp, myńǵa tarta jańa jumys orny ashylǵan. Jyl ishinde 141 mlrd teńgeniń óner­kásiptik ónimi shyǵarylsa, bul 2015 jylǵy kór­setkishke qaraǵanda 50 mlrd teń­gege artyq kórsetkish. Oblysta toqtap qalǵan 5 ká­siporynnyń jumysy jan­dan­dy­rylǵandyǵyn da jyldyq esepten estigen eseli eńbek dep túıdik. Negizgi kapıtalǵa tartylǵan ınvestısııalar kólemi 2016 jyly 315 mlrd teńgeni qurap, bul qar­jynyń tórtten bir bóligi óńdeý ónerkásibine jumsalypty. Esepti málimetter boıynsha, ken óndirý salasyna tartylatyn ınvestısııalar – 31,6 paıyzǵa, aýyl sharýashylyǵynda – 25,3 paıyzǵa, turǵyn úı qurylysynda 3 paıyzǵa ulǵaıǵan. Buǵan mem­lekettik qoldaý sharalary, «Nurly jol» baǵdarlamasy, daǵdarysqa qarsy qabyldanǵan sharalardy iske asyrý yqpal etkeni sózsiz. Nurmuhambet Ábdibekov óz baıandamasynda, sondaı-aq, 2017 jyly 350 mlrd teńge ınvestısııa tartý mindeti alǵa qoıylyp otyrǵandyǵyn, transulttyq kom­panııalardy tartý boıynsha jumystar jalǵasatyndyǵyn má­limdedi. Suraq qoıýshylardyń ishinde Temirtaý turǵyny Naıl Shavaleev aımaq basshysynan oń ja­ǵalaýdy eski qalamen baı­lanystyratyn kópirdiń qashan jóndeletinin su­rady. Onyń aıtýynsha, úsh jyl­dan beri kópir múldem abat­tandyrylmaı keledi jáne nashar jaǵdaıda. Oblys basshysy atalǵan kópirdiń jóndeletinine sendirdi. 2017 jyly Temirtaýda kólik jol­daryn jóndeýge 2 mlrd teńge bólinbek. «Ústimizdegi jyly Temir­taý, Balqash, Jezqazǵan sııaq­ty iri qa­lalarda jol ınfra­qurylymyna basa nazar aýdary­latyn bolady. Jaqynda Temir­­­taýda qala ákiminiń esep be­rýinde boldym. Halyq al­dyn­da baıandama jasadyq – 2 mlrd teńgege jýyq qarjy jol ın­fra­qurylymyna jumsalmaq. 30 shaqyrymnan astam avtokólik joldary jóndeledi. Bul kópir de jóndeý aımaǵyna enedi», dedi Nurmuhambet Ábdibekov. Kezdesý barysynda ákimge ha­lyq tarapynan otyzǵa tar­ta suraq qoıyldy. Suraq qoıýshylardyń barlyǵy de­rlik qanaǵattanarlyq jaýap aldy, sonymen qatar, óńir bas­shysynyń jemisti jumys­yna alǵys bildirýshiler de boldy. Mıras ASAN, «Egemen Qazaqstan» Qaraǵandy oblysy