Qazaqstan Respýblıkasynyń Prezıdenti bılik tarmaqtary arasynda ókilettikterdi bólý týraly halyqqa Úndeýinde: «Halyqaralyq tájirıbe sheńberinde is-qımyldar jasaıtyn máseleler bola tursa da, biz ózimizdiń, keıde erekshe sheshimderimizdi taba otyryp, memlekettik qurylystyń bógde modelderin kóshirip alýmen eshqashan aınalysqan emespiz», – degen edi.
Rasynda da, Qazaqstan óziniń eshkimge uqsamaıtyn erekshe jolymen júrip keledi jáne qazirgi tańda álemde «Qazaqstan joly» damýdyń ámbebap jáne ilgeri modeli retinde moıyndalǵan. Táýelsizdiktiń ótken 25 jyly ishinde Qazaqstan Respýblıkasy úlken jetistikterge qol jetkizdi jáne jańadan táýelsizdigin alǵan elderdiń ishinde eń bir ornyqty memleketke aınaldy. Halyqaralyq sarapshylardyń jáne álemniń jetekshi elderi lıderleriniń ortaq oı-pikiri negizinen: «reforma júrgizýdegi qazaqstandyq tájirıbe tabysqa jáne jetistikke ıe» degenge saıady, sondaı-aq, olardyń tarapynan aıryqsha baǵalanyp keledi.
Qazaqstanda myqty prezıdenttik respýblıkanyń qalyptasýy, eń aldymen, kemel oıly, álemge tanymal jáne zaman aǵymyna saı batyl qadam jasaı biletin Nursultan Nazarbaevtyń tulǵasymen tikeleı baılanystyrylady.
Nursultan Nazarbaevtyń jetistigi, birinshi kezekte, respýblıkadaǵy saıası jaǵdaı, Qazaqstan halqynyń mentaldy jáne psıhologııalyq erekshelikteri eskerile otyryp júrgizilgen basty reformalardy júzege asyrýdaǵy eren eńbegimen tamyrlasyp jatyr.
Osy joly da Qazaqstan Prezıdenti bılik tarmaqtary arasynda ókilettikterdi bólýge qatysty qoǵam aldyna kúrdeli mindet qoıyp otyr. Bul mindet eki negizgi baǵyt boıynsha iske asýy tıis. Bul týraly Nursultan Nazarbaev bylaı dedi: «Birinshiden, Prezıdenttiń áleýmettik-ekonomıkalyq úderisterdi retteýdegi birshama ókilettikterin Úkimetke jáne basqa da atqarýshy organdarǵa bergen jón. Ekinshiden, odan da kúrdeli mindet – bılik tarmaqtary arasyndaǵy qarym-qatynasty konstıtýsııalyq deńgeıde teńgerimdi etý».
Reforma baǵdarlamasynyń qabyldanýy Qazaqstannyń óziniń «qazaqstandyq joly» arqyly demokratııalyq damýǵa qaraı senimdi túrde odan ári qadam basyp kele jatqanyna taǵy da kóz jetkize túsedi.
Nıkolaı STEPANENKO,
Ýkraına-Qazaqstan qatynastary
memleketaralyq ınstıtýtynyń dırektory