Sıngapýrda Lı Kýan Iý atyndaǵy Memlekettik saıasat mektebinde Qazaqstannyń Sıngapýrdaǵy elshisi Úsen Súleımenniń atalǵan mekemeniń oqytýshylaryna, doktoranttary men magıstrlerine jáne akademııalyq toptary ókilderine Prezıdent Nazarbaev usynǵan konstıtýsııalyq reformalar men Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» atty Joldaýynyń negizgi qaǵıdalary týraly, sondaı-aq Qazaqstandaǵy ultaralyq jáne dinaralyq tózimdiliktiń qalyptasýynyń tájirıbesi týraly arnaıy dárisi uıymdastyryldy.
Dáris barysynda Ú.Súleımen Elbasy N.Nazarbaevtyń júıeli saıasatynyń arqasynda Qazaqstan táýelsizdiginiń 25 jyldyq kezeńi ishinde ekonomıkasy men saıası júıesi myqty jáne berekeli ári kóp ultty qoǵam retinde qalyptasqanyn jáne álemniń 50 úzdik elderi qataryna kirýge múmkindik bergenin jetkizdi.
Qazaqstandyq dıplomat Elbasy usynǵan konstıtýsııalyq reformalar memlekettiń aldaǵy demokratııalyq qaǵıdalaryn nyǵaıtý jolynda jáne eldiń ekonomıkalyq damýynyń bolashaǵyna aıtarlyqtaı serpin bere alatynyn basa aıtty.
Sondaı-aq, is-shara barysynda Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» atty Joldaýyna aıryqsha kóńil bólindi. Ú.Súleımenniń aıtýynsha, jahandyq ekonomıkalyq básekelestiktiń ósýi jaǵdaıynda, Elbasy N.Nazarbaev usynǵan úshinshi jańǵyrý sanalatyn ekonomıkalyq ósý modeli ýaqtyly jasalǵan qadam retinde ekonomıkanyń álemdik ósiminiń orta deńgeıden joǵary qarqynyn qamtamasyz etýge, 30 ozyq eldiń qataryna qaraı turaqty túrde ilgerileýge laıyqtalǵanyn jáne eldiń ekonomıkalyq damýynyń bolashaǵyna aıtarlyqtaı serpin bere alatynyn erekshe atap ótti.
Oǵan qosa, elshi Ú.Súleımen aýdıtorııany Qazaqstandaǵy ultaralyq jáne dinaralyq qoǵamdastyqty nyǵaıtý boıynsha tájirıbesimen, Qazaqstan halqy Assambleıasynyń jumysymen jáne Álemdik jáne dástúrli dinder kóshbasshylary seziniń negizgi maqsattarymen tanystyrdy, dep habarlady Qazaqstannyń Sıngapýrdaǵy elshiligi.