Mysyr naryǵyna shyǵý múmkindigi

Astana qalasynda Qazaqstannyń syrt­qy saýda palatasynyń tóraǵasy Aıan Erenov pen Mysyr Arab Respýblıkasynyń ın­dýstrııalyq jańǵyrtý ortalyǵynyń at­qarýshy dırektory, EKSPO-2017 bas ko­mıssary Ahmed Taha yn­tymaqtastyq tý­raly memorandýmǵa qol qoı­d­y. Sharaǵa ar­naıy kelgen mysyrlyq delegasııa quramynda Mysyr Arab Res­pýblıkasynyń Qazaqstandaǵy elshisi Haıtam Kamel, «IMS» mysyrlyq jıhaz salasynyń jetekshisi Leı­la Adel jáne basqalar bar. Syrtqy saýda palatasy tóraǵasynyń oryn­ba­sary Nuraly Bókeıhanovtyń aıtýynsha, atal­ǵan qujattyń negizinde eki el arasyndaǵy eko­nomıkalyq qarym-qa­tynastardy jan­dan­dyrýǵa tolyq múm­kin­dik bar. «Bul memoran­dým eki el ara­syn­daǵy qatynasty, jańa ba­ǵyt­taǵy eko­nomıkalyq damýdy jaqsartady. Biz My­syr memleketine óz ónimimizdi satamyz. Bas­tysy, aýylsharýashylyq ónimderi júıeli túr­­de eksporttalatyn bolady. Mysyrdy qazaq­standyq bıdaı men qoı eti qyzyqtyrady, bul – otandyq kásipkerlerge shetel naryǵyna shy­ǵýǵa úlken múmkindik. Qazirgideı teńgeniń bas­qa valıýtalarǵa qatynasy tómendep tur­ǵan kezeńde qoı etin Mysyrǵa tasymaldaý tıim­di. Bul jaǵ­d­aı qazaqstandyq taýardyń bá­se­ke­les­­­tik qabilettiligin arttyrady», dedi N.Bókeıhanov. Mamandar sózine qaraǵanda, Mysyr syrt­­tan jylyna 100 myń tonna et satyp ala­dy eken. Sonyń 5 paıyzy Qazaqstanǵa tıe­sili bolsa, kásipkerlerimizdiń jyl saıyn 5 myń tonnaǵa deıin qoı etin satýǵa múm­kin­dikteri bar. Budan basqa, Mysyrǵa bıdaı, un jáne jasymyq syndy dándi da­qyl­dar da eks­porttalady. Júıeli eksport­taý bıyldan bastap qolǵa alynady. Shy­ǵys­qa taýar jó­nel­tý­de aıtarlyqtaı ákim­shi­lik kedergiler joq kó­ri­nedi. Arab el­derine eń bastysy halal ser­tıfıkasııasy men sapa standarttary kerek. Al bul ta­lap­­­tarmen jergilikti kásipkerler jaq­sy ta­nys. «Qazirgi tańda eki el arasyndaǵy taýar aı­nalymy 49 mln AQSh dollaryn quraıdy. Onyń 17 mıllıonyn Mysyr elinen bizge áke­li­netin taýarlar quraıdy, olar – kóbine far­masevtıkalyq ónimder. Qalǵan soma otan­dyq eksportqa tıesili», dedi Syrtqy saýda pa­la­ta­synyń ókili. MAR Indýstrııalyq jańǵyrý orta­ly­ǵy­nyń at­qarýshy dırektory Ahmed Taha­nyń aıtýynsha, elordada bıyl ótetin ha­lyqaralyq kórmege 300-den 500-ge deıin túr­li saladaǵy mysyrlyq kompanııa qa­ty­sady. «Búginde Qazaqstan mamandaryna 32 tanymal mekememiz týraly to­lyq málimetti berdik. Mysyr Qazaqstan úshin Af­rıka memleketterine múmkindik ashatyn qaq­pa bolmaq. Yntymaqtastyǵymyz jaqsy qar­qynda damıdy dep senemin», dedi ol. Ashat RAIQUL, «Egemen Qazaqstan»