21 aqpan kúni Qyzylorda oblysynyń ákimi Qyrymbek Kósherbaev Syr eline jumys saparymen kelgen Eńbek Erleri- «Ulttyq ǵylymı kardıohırýrgııalyq ortalyǵy» AQ dırektory Iýrıı Pıamen jáne «Ulttyq neırohırýrgııa ortalyǵy» AQ Basqarma tóraǵasy Serik Aqsholaqovpen kezdesti.
- Bizdiń oblysymyzda densaýlyq saqtaý salasyn damytý úshin aýqymdy jumystar atqarylýda. О́tken jyly qabyldanǵan memlekettik «Densaýlyq» baǵdarlamasy aıasynda 28 ındıkatorly kórsetkishke qol jetkizý maqsatynda aımaqtyq jospar daıyndaldy. 2016 jyly biz ortasha ómir súrý uzaqtyǵyn 72 jasqa uzartýdy maqsat etip, ol kórsetkishke qol jetkizdik,- dedi Q.Kósherbaev.
Syr eline saparlap kelgen Eńbek Erlerine kúrishten jasalǵan óz portretteri estelikke syıǵa tartyldy. Kartına avtory – sýretshi Qaıyrbek Zákirov.
Sondaı-aq, Iý.Pıa men S.Aqsholaqov jergilikti kardıohırýrgtarmen kezdesip, oblystyq medısına ortalyǵynda sheberlik sabaqtaryn ótkizdi jáne mindetti áleýmettik medısınalyq saqtandyrý máselelerine arnalǵan jıynǵa qatysty.
22 aqpan kúni mártebeli meımandar oblystyq medısınalyq ortalyqtyń Baıqońyr qalasyndaǵy fılıalyna, ǵaryshkerler murajaıy men Qorqyt ata memorıaldyq keshenine baryp, «Soıýz MS» ǵarysh kemesiniń ushý sátin tamashalaıdy. Sondaı-aq, III- Internasıonal aýylynyń turǵyndarymen kezdesýi josparlanǵan