Munaı eksporttaýshy elder uıymy (OPEK) aldaǵy ýaqytta uıym músheleri men uıymǵa kirmeıtin eksporttaýshy elderdiń mundaı óndirisin azaıtý týraly kelisiminiń oryndalý kórsetkishi 90 paıyzdan asady dep boljaıdy. Bul týraly Londonda ótken Halyqaralyq munaı aptalyǵy konferensııasynda uıymnyń bas hatshysy Muhammed Barkındo málimdedi.
«OPEK pen oǵan kirmeıtin elderdiń kelisimi sózsiz oryndalady. Aldaǵy ýaqytta óndiristi qysqartý áli de arta túsedi», – dedi Muhammed Barkındo.
Esterińizge sala keteıik, ótken aptada OPEK uıymy atalǵan kelisimniń 90 paıyzy oryndalǵanyn habarlaǵan edi.
Barkındo, sonymen qatar, 2017 jyly álemdik munaı qorynyń azaıatynyn aıtyp, usynys pen suranystyń tepe-teńdigin ornaıtynyn, nátıjesinde baǵanyń 60 dollarǵa jýyqtaýy múmkin ekenin boljady.
Aıta keteıik, búgin Astana ýaqytymen tańǵy saǵat 10:00-de munaı baǵasy 56,88 dollarǵa saýdalandy.