"Damý" Qory "Almaty Innovasııalar" baǵdarlamasyn qarjylandyrý úshin "Qazkomersbankke" 1 mıllıard teńge nesıe jelisin usyndy, - dep habarlaıdy qordyń baspasóz qyzmeti.
Bul qarjynyń teń jartysy "Damý" Qorynyń óz qarajaty bolsa, qalǵan somany Almaty qalalyq ákimshiligi bólgen. Nátıjesinde "Almaty ınnovasııalar" baǵdarlamasyn qarjylandyrýǵa qajetti 1 mıllıard teńge qor quraldy.
"Damý" Qory 500 mıllıon teńge kólemindegi birinshi transhty "Qazkommersbankke" aýdaryp qoıdy. Shart boıynsha bank 6 aıdyń ishinde Almaty qalasynyń shaǵyn jáne orta kásipkerlerin "Almaty ınnovasııalar" baǵdarlamasy aıasynda qarjylandyra bastaýy kerek. Negizgi talaptar: Kásipkerler úshin belgilengen jyldyq syıaqy mólsherlemesi - 8,5 paıyz; Bir adamnyń qolyna 100 mıllıon teńgeden aspaıtyn soma tıedi; Jańa qural alyp, negizgi jabdyqtardy jańartý jáne aınalym qarajatyn tolyqtyrý úshin 84 aıǵa deıin beriledi. Qarajat Almaty qalasynda resmı tirkelgen shaǵyn jáne orta kásipkerlik nysandaryn qarjylandyrýǵa ǵana bólinedi", - delingen baspasóz habarlamasynda.
Aıta keteıik, "Almaty ınnovasııalar" baǵdarlamasyna О́ńdeý ónekásibi, Aqparat jáne baılanys, Kásibı, ǵylymı jáne tehnıkalyq qyzmet, Densaýlyq saqtaý jáne áleýmettik qyzmet salalary kiredi.