Qazaqstanda tirkelgen jeke kásipkerlikterdiń (JK) 726 myńy aýylda bolsa, 564 myńy qala halqyna tıesili. Degenmen, aýyl halqyna mol mólsherdegi nesıe kózderi qoljetimsiz bolyp otyr, dep jazady ranking.kz.
Kásipkerlik belsendiliktiń deńgeıi aýylda qalamen salystyrǵanda anaǵurlym joǵary. 2016 jyldyń qorytyndysy boıynsha, QR qalalarynda eńbek resýrsy qurylymyndaǵy 15,4 paıyz azamat qana ózin ózi jumyspen qamtýshylar bolsa, aýyldaǵy bul kórsetkish 39 paıyzdy quraıdy.
Sonymen qatar, aýyldaǵy kásipkerlerdiń eńbek ónimdiligi de artyp keledi. Atap aıtar bolsaq, aýyl halqynyń ózin ózi jumyspen qamtýshy azamattardyń 52 paıyzy jeke kásipker. Salystyrý úshin aıta keteıik, 2013 jyly bul kórsetkish 35 paıyzdy quraǵan edi.
"Aýyl halqynyń kásipkerlikke degen yntasynyń joǵarylyǵyna qaramastan, bankter qalalyq jerdegi azamattarmen kóbirek jumys istegendi jón kóredi. Aýyl kásipkerleri úshin arnaıy nesıe túriniń joqtyǵy da aýyl bıznesiniń nesıe alýyna kedergisin keltirýde", - dep jazady basylym.
Aýyl kásipkerleriniń nesıe alýyna múmkindik beretin jalǵyz baǵdarlama - shaǵyn nesıelendirý ǵana. Aıta keteıik, "Jańǵyrý 3.0" Joldaýynan keıin nesıeniń bul túriniń eń joǵarǵy shegi 16 mln teńgege deıin ósirildi.
Qazirgi tańda aýyl bıznesin nesıelendirýde eń iri qatysýshy KMF. Onyń aýyl bıznesine bergen nesıe portfeli 32,7 mlrd teńge shamasynda. Jalpy, bul aýyl kásipkerlerine berilgen nesıeniń 65 paıyzy.