Parlament Májilisiniń depýtattary Qazaqstan Respýblıkasy Úkimeti men Ulttyq bankinen 2014-2016 jyldary Zeınetaqy qoryndaǵy qarjynyń qaıda ınvestısııalanǵany týraly málimetti usynýdy talap etti.
Bul týraly plenarlyq otyrysta tómengi palata depýtaty Maıra Aısına depýtattyq saýal joldady.
«Bizdiń depýtattyq saýal Úkimet basshysy men Ulttyq bank tóraǵasyna baǵyttalady. О́ńirlerge jasaǵan saparymyzda halyqty tolǵandyrǵan máselelerdiń biri Zeınetaqy qoryndaǵy jınaq ekenin baıqadyq. Sonymen qatar, jalpy BJZQ taǵdyry týraly. 20 aqpan kúni QR Investısııalar jáne damý vıse-mınıstri Albert Raý eldiń temir jol salasyna qordan 50 mlrd teńge bólinetini týraly aıtty. Osyny eskere otyryp, 2014-2016 jyldary BJZQ qarajaty qandaı qarjy uıymdaryna berilgeni týraly málimet berýlerińizdi suraımyz», — dedi depýtat.
Esterińizge sala keteıik, 20 aqpan kúni QR Investısııalar jáne damý vıse-mınıstri Albert Raý eldiń temir jol salasyna qordan 50 mlrd teńge bólinetini týraly aıtqan edi.
Artynsha, bul máseleniń anyq-qanyǵyn bilý úshin BJZQ janyndaǵy Qoǵamdyq keńes qor basshylyǵynan bul sózdiń qanshalyqty ras ekeni, eger ras bolsa, qarjy qandaı sharttarmen beriletinin túsindirýdi talap etken edi.