Ortalyq kommýnıkasııalar qyzmetinde Aýyl sharýashylyǵy mınıstrligi orman sharýashylyǵy jáne janýarlar álemi komıteti tóraǵasy Marlen Aınabekov kóktemgi kezeńde qus atýǵa tyıym salynatyny týraly aıtty.
«Jaqynda Zoologııa ınstıtýty men Qazaqstan bıoalýantúrlilikti saqtaý qaýymdastyǵy kóktemgi ań aýlaýda tyıym salý boıynsha bıologııalyq negizdeme jasady. Osyǵan baılanysty kóktemde jabaıy qustardy atýǵa tyıym salynatyn bolady. Sebebi, 2012 jyldan bastap elimizde qustardyń sany 2 mln-ǵa azaıyp ketken. Al kúz jáne qys kezinde qus atýǵa tyıym salynbaıdy. Kóktemgi ań aýlaýǵa tyıym salý jabaıy qustar sanynyń ósimin saqtap qalýǵa múmkindik beredi», – dedi ol.
Onyń aıtýynsha, qazir jabaıy qustar azaıyp otyrǵanda brakonerlerdiń sany kóbeıip barady. 2015 jyly kóktemgi ań aýlaý kezeńinde 636 ákimshilik quqyq buzýshylyq tirkelse, byltyr 758-ge jetti. Iаǵnı, zańnan aınalyp ótip, jabaıy qustardy atyp jatqan brakonerler kóbeıip ketti. Qazir qolda bar málimetterge qaraǵanda, ańshylardyń sany –150 000. Bul resmı tirkelgen, zańdy qujaty bar azamattardyń sany.
Kezdesýde jabaıy qustardyń taǵdyryna alańdaǵan Aýyl sharýashylyǵy mınıstrliginiń ókili 16 aqpannan bastap 14 maýsymǵa deıin kóktemgi ań aýlaýǵa tyıym salynatynyn aıtty.
Dastan KENJALIN,
«Egemen Qazaqstan»