Úkimet basshysy Baqytjan Saǵyntaev «Jumore» kompanııasynyń prezıdentimen kezdesý ótkizdi, dep habarlady Premer-Mınıstrdiń baspasóz qyzmeti.
Kezdesý barysynda Memleket basshysynyń elimizdiń ekonomıkalyq ósimniń jańa úlgisine aýysýyna qatysty tapsyrmalaryn iske asyrý aıasynda sıfrly tehnologııalar, qarjy tehnologııalary men quraldaryn damytý salasyndaǵy yntymaqtastyq keleshegi talqylandy.
Sondaı-aq, Premer-Mınıstr osy kúni Eýropa qaıta qurý jáne damý bankiniń ınfraqurylym jónindegi basqarýshy dırektory Tomas Maıermen kezdesý ótkizdi.
Kezdesýde Qazaqstannyń halyqaralyq qarjy ınstıtýttarymen turǵyn úı-kommýnaldyq sharýashylyǵy, kólik jáne «jasyl» ekonomıka salasyndaǵy yntymaqtastyǵy máseleleri sóz boldy.
Premer-Mınıstr Baqytjan Saǵyntaev keshe Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» atty Qazaqstan halqyna Joldaýyn iske asyrý máseleleri boıynsha elimizdiń bıznes qaýymdastyǵynyń ókilderimen kezdesý ótkizdi.
Onda Qazaqstannyń úshinshi jańǵyrýynyń mindetterin iske asyrý máseleleri, sonyń ishinde, ekonomıkalyq ósimniń jańa úlgisine aýysý, jańa ındýstrııalardy qurý, bıznes-ortany túbegeıli jaqsartý jáne keńeıtý máseleleri talqylandy.