Aımaqtyń sharýashylyqtaryn aralady

Parlament Senatynyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń músheleri Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» Joldaýyn iske asyrý aıasynda Aqmola oblysyndaǵy Selınograd aýdanynyń sharýashylyqtarynda boldy. Senatorlar saparlary barysynda Elbasynyń Joldaýynan týyndaıtyn mindetter aıasynda veterınarlyq qaýipsizdikti kúsheıtý máseleleri boıynsha aldaǵy sharalardy talqylady. Senat depýtattary Qos­shy aýyldyq okrýginde, vete­rı­nar­­lyq laboratorııada bolyp, «Astana ónim» aksıonerlik qo­ǵa­my sút kesheniniń jumysymen ta­nysty. Keleshekte ekonomıkanyń ja­ńa draı­ve­rine aınalatyn ag­rarlyq sektorda eko­logııalyq taza ónimder men taǵamdar ón­di­rý maqsatynda keshendi ist­er­di qolǵa alý kózdelip otyr. Se­natorlar aýyl sha­rýashylyǵy eń­bekkerleriniń aldynda tur­­ǵan aýqymdy mindetter týraly pikir al­masty. Sapar qorytyndysy boıynsha «Astana ónim» aksıonerlik qo­ǵamy sha­rýa­shylyqtarynyń ǵı­maratynda ob­lys­tyq veterınarııa basqarmasynyń bas­shylyǵy, Selınograd aý­danynyń jáne de kórshiles Ar­shaly, Egindikól, Qor­ǵaljyn, Shortandy aýdan­da­r­y­nyń bas veterınar dárigerleriniń, memlekettik veterınarııa ınspeksııasy mamandarynyń, aýyldyq okrýgter ákimderiniń, aýdannyń veterınarlyq dárigerleriniń, mal sha­rýa­shylyǵy uıymdary ókilderiniń qa­ty­sýymen ótken dóńgelek ústelde veterı­narııa salasyndaǵy ózekti máseleler tal­qylandy. Agrarlyq máseleler, tabıǵatty paı­dalaný jáne aýyldyq aýmaqtardy da­mytý komıtetiniń hatshysy Jeńis Nur­ǵalıev El­basy Joldaýyndaǵy aýyl sha­rýa­shylyǵy máseleleri boıynsha qoıylyp otyrǵan mindetter týraly aıta kelip, olardy zańnamalyq iske asyrý jónindegi aqparattarmen tanystyrdy, dep habarlady Parlament Senatynyń baspasóz qyzmeti.