2017 jylǵy 14 aqpanda Reseı Federasııasynyń Chelıabınsk qalasynda Qazaqstan Respýblıkasy Aýyl sharýashylyǵy mınıstrliginiń jáne Reseı Federasııasy Aýyl sharýashylyǵy mınıstrliginiń mamandarynyń qatysýymen shekaralyq aımaqtarda shegirtke tektes zııankestermen jáne basqa da aýyl sharýashylyǵy zııankesterimen kúresý jónindegi jylsaıynǵy halyqaralyq keńes ótkizildi. Keńeske Qazaqstan men Reseıdiń shekaralyq aımaqtarynyń basshylary, mamandary qatysty, dep habarlaıdy Aýyl sharýashylyǵy mınıstrliginiń resmı saıty.
Taraptar 2016 jyly júrgizilgen is-sharalar, shekaralas aýmaqtardaǵy shegirtke tektes zııankesterdiń damýy men taralýynyń jaı kúıi, eki taraptaǵy shegirtke tektes jáne basqa da aýyl sharýashylyǵy zııankesterimen jáne aýrýlarymen kúresý jónindegi is-sharalar týraly aqparattarmen almasyty. Osy baǵyttaǵy ózara is-qımyl men keleshektegi yntymaqtastyq máseleleri talqylandy.
2016 jyly shegirtke tektes zııankesterge qarsy birlesip júrgizilgen is-sharalardyń qorytyndysynda aýyl sharýashylyǵy daqyldary egistikteriniń zaqymdanýynyń, sondaı-aq olardyń kórshiles memleketterdiń shekaralas aýmaǵyna ushyp-qonýynyń bolmaǵany atalyp ótildi.
Eki memlekettiń shekaralas aýmaqtarynda tekserýler júrgizý úshin shekaralas aımaqtardyń birlesken jumys tobyn qurý maquldandy.
Joǵaryda atalǵan is-sharalar aıaqtalǵannan keıin Qazaqstan Respýblıkasy Aýyl sharýashylyǵy mınıstrligi jáne Reseı Federasııasy Aýyl sharýashylyǵy mınıstrligi arasynda 2017 jyly Reseı Federasııasy jáne Qazaqstan Respýblıkasynyń shekaralas aýmaqtarynda shegirtke tektes zııankesterdiń taralýyna jol bermeý jónindegi birlesken is-sharalar Josparyna qol qoıyl