Chempıondar lıgasynyń 1/8 fınalynda Italııanyń «Iýventýsy» syrt alańda Portýgalııanyń «Portý» komandasymen kezdesip, 2:0 esebimen jeńdi.
Jankúıerler tartysty oıynynǵa kýá boldy. Alǵashqy taımnyń ózinde ıtalııalyqtar birneshe gol soǵatyn múmkindikteri bolyp edi. Biraq sáttilik jetispedi. Al «Portý» bir oıynshysynan aıyrylsa da, ońaı berlimedi.
Alǵashqy gol tek 72-mınýtta soǵyldy. Qorǵaýshylardyń qateligin tıimdi paıdalanǵan Marko Pıasa ıspanııalyq Iker Kasılıastyń qaqpasyna alǵashqy dopty saldy. Araǵa eki mınýt salyp Danıel Alves ekinshi goldy soqty. Kezdesýdiń sońyna deıin «Iýventýs» esepti ulǵaıtatyn múmkindikteri bolyp edi. Alaıda, tablodaǵy esep ózgerissiz qaldy.