Jenevada sırııaaralyq kelissózder qaıta jandandy, tórtinshi kezeń qatysýshylardyń BUU Sırııa jónindegi arnaıy elshisi Staffan de Mıstýramen qostarapty kezdesýlerinen bastaldy, dep habarlaıdy QazAqparat RIA Novostı agenttigine silteme jasap.
Bir jyldyq úzilis jáne Astanadaǵy jańa kelissóz alańy paıda bolǵannan keıin ótip jatqan kezdesýdiń basty taqyryby Sırııada jańa úkimet qurý, el konstıtýsııasynyń jańa jobalary men saılaý ótkizý bolmaq. Jenevadaǵy talqylaýdyń formaty resmı túrde jarııalanbady. Oppozısııa talap etkendeı, tikeleı kezdesýler bola ma, álde arnaıy elshi árqaısysymen jeke kezdesip, aralyq dıplomatııa tájirıbesin jalǵastyra ma, belgisiz.
De Mıstýranyń ózi jaqynda bolǵan baspasóz máslıhatynda óz kestesin, tipti beısenbi kúngi josparlaryn jarııalamady. Onyń aıtýynsha, búgingi kúnniń birinshi jartysynda delegasııalarmen kezdeskennen soń, format máselesin sheshedi.