Jemqorlyqpen kúreske din ókilderi men qoǵamdyq uıymdar da atsalysady, dep jazady Habar24.
Bul jaıynda «Jemqorlyqqa jappaı qarsylyqty qalyptastyrýda rýhanııat pen adamgershilik» atty dóńgelek ústelde aıtyldy. Memlekettik qyzmet isteri jáne sybaılas jemqorlyqqa qarsy is-qımyl agenttigi bul bastamanyń nátıje beretininen úmitti. Elimizde 3 jarym myńǵa jýyq dinı birlestik bar. Al meshitter sany 2,5 myńǵa jetken. Agenttik qyzmetkerleriniń aıtýynsha, jeń ushynan jalǵasqan jemqorlyqtyń zııanyn halyqqa dinı turǵydan túsindirý kerek. Osylaısha memleket damýyn tejeıtin aýyr keseldiń tamyryna balta shabýǵa bolady, deıdi mamandar.
"Búgingi otyrystan keıin, meniń oıymsha, bir qujat qabyldanyp, ol dinı birlestikter arqyly, din máselesimen aınalysatyn mınıstrlik, agenttik bar solar arqyly halyqpen jumys isteledi", - deıdi QR Parlamenti Májilisiniń depýtaty Ersultan Bekturǵanov.
"Jemqorlyqqa qatysty qasıetti Quranda aıtylǵan, Paıǵambarymyzdyń hadısterinde qatty eskertilgen. Jalpy bizdiń dinimizde haram dep belgilengen. Iаǵnı úlken kúnáǵa jatady. Para berýshi de, para alýshy da, ortadaǵy adam da. Islam dini ony qaralaıdy. Tyıym salady", - deıdi Astana qalasynyń bas ımamy Naýryzbaı Taǵanuly.