Azamattardyń usynysytarynyń árqılylyǵy bılik júıesiniń shalalyǵyn kórsetedi. Bul týraly Memleket basshysy Nursultan Nazarbaev Jumys tobynyń qorytyndy otyrysynda málimdedi.
"Azamattar usynǵan pikirlerdiń árqılylyǵy bizdiń kemshiligimizdi jáne bılik júıesindegi shalalyqty kórsetedi. Bizdiń endigide nemen aınalysýymyz kerektigin, ásirese quqyq qorǵaý organdarynyń ármengi isin kórsetedi. Biz de ólim jazasy boıynsha pikir bildirdik, basqa da máseleler boıynsha sóıledik... Jumys toby iriktep, mańyzdylaryn qaldyrýy kerek. Azamattardyń aıtyp jatqan usynystaryn qabyldaý kerek - árıne, barlyǵyn birdeı osy kezeńde almaımyz", - dedi Nursultan Nazarbaev.
Sonymen qatar Elbasy azamattardyń barlyq usynysy eskeriletinin aıtty.
"Eshteńe de turaqtap qalmaıdy, prosess júrip jatyr, ómir jalǵasady, barlyǵy damý ústinde. Ýaqyttyń talabymen belgili bir ózgerister engiziletin shyǵar. Munyń barlyǵy prezıdenttiń quzyretin bıliktiń basqa tarmaqtary arasynda úlestirý úshin jasalyp otyr. О́zge elderde kerisinshe, prezıdenttiń quzyretti keńeıtý úshin reformalar ótkizilip, Konstıtýsııaǵa ózgerister engiziledi. Al bizde basqasha, sebebi 25 jyl ishinde basqarýdyń prezıdenttiń júıesi alǵa qoıylǵan mindetterdi oryndady", - dedi Nazarbaev.