Úndistandaǵy Tamıl-Nadý shtatynda myńdaǵan dúkender 1-naýryzdan bastap Coca-Cola men Pepsi sýsyndaryn satýdan bas tartty, dep jazady VVS. Basylymnyń habarlaýynsha, jergilikti bılik sheteldik sýsyndardan bas tartyp, tek otandyq ónimderdi satýdy usynǵan. Al belsendilerdiń aıtýynsha, halyqaralyq kompanııalar Úndistannyń sý resýrstaryn shyǵyndaýda. О́tken aıda bul shtatta qarsylyq aksııalary ótken. Sol kezden bastap Pepsi men Coca-Cola ónimderine suranys tómendeı bastaǵan.
Saýda assosıasııalary shtat turǵyndary gazdy sýsyndardy óz erikterimen tutynýdan bas tartyp otyrǵanyn aıtty. Al 1-naýryzdan bastap onyń quramyna kiretin dúkender sheteldik kompanııalardyń sýsyndaryn satyp alýdy doǵarǵan. Indian Express basylymynyń aıtýynsha, túgeldeı bas tartpas buryn satýshylar qalǵan sýsyndardy jeńildikpen satyp jibergen. Ázirge birneshe aıdyń qoryn birden satyp altyn iri saýda oryndrynyń qandaı sheshimge keletini belgisiz.
•
01 Naýryz, 2017
Úndistan Coca-Cola men Pepsi-ge boıkot jarııalady
240 ret
kórsetildi