Qazaqstan US News & World Report tujyrymy boıynsha eń úzdik elder qataryna kirdi, - dep habarlaıdy Tengrinews.kz. Portal tujyrymy boıynsha, alǵashqy ondyq mynadaı: Shveısarııa, Kanada, Ulybrıtanııa, Germanııa, Japonııa, Shvesııa, AQSh, Aýstralııa, Fransııa jáne Norvegııa.
Qazaqstan bul tizimde 71-orynda tur jáne reıtıng boıynsha Ýkraına, Pákistan, Angola, Lıvan, Nıgerııa, Aljır, Iran jáne Serbııanyń aldynda tur. Tizimge jalpy 80 memleket kirgen.
Avtorlar Qazaqstannyń muhıtqa shyǵatyn joly joq eń iri el ekenin, basym bóligi Orta Azııada jáne azdaǵan bóligi Shyǵys Eýropada ornalasqanyn atap ótti. Árbir el 65 belgi boıynsha tańdaldy. Saýalnama boıynsha belgili bir sıpatqa kóbirek ıe bolǵan elge baǵa berildi.