Astanada bıyl 1 mamyrǵa deıin qalalyq ahýal ortalyǵy qurylady. Bul týraly ákimdikte keńeıtilgen jumys májilisinde belgili boldy. Basty taqyryby - qaladaǵy jaılylyq pen qaýipsizdikti qamtamasyz etý, dep habarlady astana.gov.kz.
Sharaǵa QR Bas prokýrory Jaqyp Asanov, Astana ákimi Áset Isekeshev, sondaı-aq ortalyq memlekettik organdar, barlyq vedomstvolar, qala ákimshiliginiń qurylymdyq bólimsheleri, prokýratýra, IID, ulttyq qaýipsizdik organdarynyń basshylary qatysty.
«Astananyń jaılylyǵy men qaýipsizdigi» jospary elorda turǵyndary men qonaqtarynyń jaıly ómir súrýine qaýipsizdiktiń standarttaryn arttyrý úshin ázirlendi. Qujat 172 shara men eki bólimdi («Qaýipsizdik» jáne «Jaılylyq») qamtıdy. Birinshi bólimge qoǵamdyq qaýipsizdikti qamtamasyz etý, TJ jol bermeý, sonyń saldaryna ázirlik, ekonomıkalyq qaýipsizdik jatady. Ekinshi bólim – servıske, ómir sapasyna qanaǵattaný, týrıstik jaılylyq. Búginde tolyqtaı 19 tarmaq oryndaldy, qalǵan 99 shara iske asyrý satysynda.
Taraptar qaladaǵy birqatar máselelerdi talqylady. Qala basshysy tıisti mınıstrlikter men vedomstvolar tarapynan sheshim qabyldaýdy qajet etetin ár blok boıynsha naqty usynystar engizdi.
Ákimniń aıtýynsha, 2017 jylǵy 1 mamyrǵa deıin problemalardy ońtaılandyrý jáne sheshý úshin elordanyń IID bas operasııalyq ortalyǵynyń jumysymen ıntegrasııalanǵan qalalyq ahýal ortalyǵyn qurady. Jyl aıaǵyna deıin kúlli qala boıynsha polısııa qyzmetkerlerine jáne qalalyq qyzmetterge arnalǵan 10 myń kamera ornatylady.
Shara qorytyndysy boıynsha taraptar arnaıy birlesken jobalyq keńse qurý týraly ýaǵdalasty. Atalǵan keńse sarapshylardyń qatysýymen jáne joǵaryda atalǵan máseleler boıynsha halyqpen talqylaýlar ótkizý arqyly turaqty negizde jumys isteıtin bolady.